लुका 7:13 - मध्‍य पुरविया थारू

¹³ जब परभु येसु ओइ बिधुवाके देखल्‍कै तब ओकर हिरदय दयासे भैरगेलै आ कहल्‍कै, “नै कान!”

लुका 7:13 Referans Kwoze

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।

लुका 8:52

ओइठाम भिर भेल्‍हा सब लोकसब कानैखिजै छेलै। येसु ओकरासबके कहल्‍कै, “नै कानै, उ नै मरल छौ, महज सुतल छौ।”

हिबरु 2:17

ओहैसे सब बातमे उ आपन भाइ-भैयासब जखा बनैले आबस्‍यक छेलै। ताकि उ परमेस्‍वरके सेबामे दयालु आ बिस्‍बासयोग्‍य परधान पुजारी बन्‍लै आ लोकसबके पाप छमा दैकेलेल उ आपने बली भेलै।

युहन्‍ना 20:15

येसु ओकरा कहल्‍कै, “ऐ बहिन, तु कथिले कानैचिही? ककरा ताकैचिही?” मरियम ओकरा फुलबारीके माली हेतै कैहके कहल्‍कै, “हजुर, अहाँ परभुके अतेसे ल्‍यागेल चियै त हमरा कैह दिय कि कते राखने चियै। हम ओकरा ल्‍याजेबै।”

मरकुस 8:2

“यि लोकसबके देखके हमरा दया लागल, कथिलेत तिन दिनसे उसब हमरसङे छै महज उसबसङे खाइबला कुछो नै छै।

युहन्‍ना 11:2

ओह्‍या मरियम पाछे येसुके टाङमे अतर लग्‍याके आपन केससे पोछनेछेलै। ओकरे भाइ लाजरस बिमार भेल छेलै।

लुका 24:34

आ उ लोकसब ओइ दुनुगोराके कहल्‍कै, “परभु साँचोके जिके उठलछै आ सिमोन लग परगट भेल छै!”

लुका 17:5

तब परेरितसब येसुके कहल्‍कै, “परभु हमरासबके बिस्‍बास बरहा दिय।”

१ कोरन्‍थी 7:30

जेसब सोक करैछै उसब सोक नै करल जखा रहे आ खुसी हैबलासब खुसी नै भेल जखा हेबे। बेच-बिखन करैबलासब आपनसङे किछो नै भेल जखा रहे।

युहन्‍ना 20:13

उसब मरियमके पुछल्‍कै, “ऐ बहिन, तु कथिले काइनरहल चिही।” मरियम ओइसबके जबाब देल्‍कै, “उसब हमर परभुके उठ्‍याके ल्‍यागेलै आ कते घोसाइरके राखनेछै से हम नै जानैचियै।”

लुका 13:15

महज परभु ओकरासबके जबाफ देल्‍कै, “ए कपटीसब, के पबितर बिसरामके दिनमे आपन गाइ या गदहाके खुट्‍टासे घुरी खोइलके पानी पिआइले नै लजाइचिही से?

लुका 10:1

तकरबाद परभु येसु औरो सतर गोरे चेलासबके छानल्‍कै आ ओकरासबके दुइ-दुइगोरे कैरके गामसब आ सहरसबमे अपना जायसे पहिने परचार करैले पठाइल्‍कै।

लुका 7:19

यि पुछैले परभु लग पठाइल्‍कै, “जे आबैबला कि अहाँ उहे चियै? कि हमसब दोसरके आस करु?”

१ थेसलोनिकी 4:13

देख भाइसब, मरलहा बिस्‍बासीसबके कि हैछै से तोरासबके थाह हेबे से हमसब चाहैचियै, ताकि आसा नै भेल्‍हा लोकसब जखा तोरासबके सोक करे नै परे।

लुका 22:61

तब येसु घुइमके पतरुस दिसन ताकल्‍कै। “आइ मुरगा डाँकैसे पहिने तु हमरा तिन बेर इन्‍कार करबिही” परभुके कहलाहा बचन पतरुसके मनमे याद एलै।

लुका 7:12

जब येसु गामके दुवारमे पुग्‍लै, तब बिधुवाके एकलौता बेटाके लहास बोइकके कठियारी जाइ छेलै। ओइ बिधुवासङे गामके बहुतरा लोकसब छेलै।

लुका 7:14

लगमे ज्‍याके लहासबला खटिया छुबल्‍कै, तब बोकैबलासब ठार भ्‍यागेलै। येसु कहल्‍कै, “ए जबान, हम तोरा कहैचियौ, उठ!”

लुका 11:1

एक दिन कोनो एक ठाममे येसु परथना करैतरहै। परथना कैरलेलाके बाद ओकर चेलामेसे एकटा चेला कहल्‍कै, “परभु जी, युहन्‍ना जैहनङ आपन चेलासबके परथना करैले सिखेल्‍कै तैहनङे हमरोऔरके सिखाबु।”

लुका 11:39

महज येसु ओकरा कहल्‍कै, “तु फरिसीसब थारी आ बाटी बाहरसे त माजैचिही, महज तोरासबके भितर लोभ आ नै निक बातसे भरल रहैछौ।

लुका 12:42

परभु उतर देल्‍कै, “बफादार आ बुधिमान मुखिया के चियै, जकरा ओकर मालिक आपन घरके सब कामकाजके जिमा देतै आ आपन नोकरसबके ठिक समयमे खाना दैकेलेल खटेतै।

लुका 17:6

तब फेनो येसु कहल्‍कै, “अगर तोरासबके बिस्‍बास रायके बियो बमौजी हेतौ त यि तुतके गाछके, ‘तु उखैरके समुन्‍दरमे रोपा जो’ कहबी त तैहनङ हेतौ।”

लुका 18:6

तब परभु येसु कहल्‍कै, “सुन, उ दुस्‍ट नियायधिस कथी कहैछौ।

लुका 19:8

जक्‍कैया परभुके अगा ठार भ्‍याके कहल्‍कै, “देखु, परभु हम आब आपन सब धन-सम्‍पतीके अधा हिस्‍सा गरिबसबके बाइट देबै आ ककरोसे ठैक फुस्‍याके कुछो लेने हेबै त हम ओकर चौबर फिरता कैरदेबै।”

लुका 24:3

महज उसब जब भितर ढुक्‍लै तब भितरमे परभु येसुके लहास नै देखल्‍कै।

युहन्‍ना 4:1

येसु युहन्‍नासे बेसी चेलासब बनाइछै आ बप्‍तिस्‍मा दैछै से बात फरिसीसब सुन्‍नेछै कैहके येसु जानल्‍कै।

युहन्‍ना 6:23

तब तिबेरियास सहरसे औरो नाहसब ओइ ठामलग एलै, जते येसु परमेस्‍वरके धन्‍यबाद द्‍याके लोकसबके रोटी खियाइने छेलै।

युहन्‍ना 11:3

तैखातिर दुनु बहिन येसुके एहेन कैहके समाध पठाइने छेलै, “परभु, जकरा अहाँ परेम करैचियै, उ बिमार भेल छै।”