लुका 6:7 - मध्‍य पुरविया थारू

⁷ येसुके दोस लगाइले ओइ जगहके यहुदी धरमगुरुसब आ फरिसीसब मौकामे रहै कि पबितर बिसरामके दिनमे येसु ओइ लोकके हाथ निक करतै से कैहके ताकैछेलै।

लुका 6:7 Referans Kwoze

लुका 20:20

उसब येसुके पकरैले मौका ताके लाग्‍लै आ आपनके धरमी कहाइबला जासुससबके ओकरलग पठाइल्‍कै। येसुके ओकरे कहलहा बातमे ओकरा फसाके रोमी सासकसबके हाथमे फसाइके दाउमे उसब छेलै।

लुका 13:14

उ जनी पबितर बिसरामके दिनमे निक भेल देखके यहुदी सभाघरके सासक खिस्‍यागेलै। तब उ लोकसबके कहल्‍कै, “काम करैबला हप्‍ताके छ दिन छै! अइ खातिर छ दिनके भितर आइबके निक हो, महज पबितर बिसरामके दिनमे नै।”

मरकुस 3:2

कतौ उ बिसरामके दिनमे ओकर सुखलहा हाथ निक करतै कि कैहके ओकरा दोस लगाइबला फरिसीसब नजर पसारने रहै।

युहन्‍ना 9:16

कोनो-कोनो फरिसीसब कहल्‍कै, “यि लोक परमेस्‍वर दिसनसे नै एलछै, कथिलेत उ पबितर बिसराम दिनके पालन नै करैछै।” महज दोसर लोकसब कहेलाग्‍लै, “जे पापी हेतै, उ एहेन अचमके चेन्‍हासब कनङके देखाइले सक्‍तै?” अहै बातमे ओइसबके आपनमे मतभेद भ्‍यागेलै।

मतीके लिखल सुसमाचार 5:39

महज हम तोरासबके कहैचियौ, दुस्‍ट लोकके कुछो नै कर। कोइ तोहर देहना गालमे थपराइतौ त, ओकर सामने दोसरो गाल थैप दहै।