लुका 6:49 - मध्‍य पुरविया थारू

⁴⁹ महज जे सुनियोके नै करैछै, से कोइ एकटा एहेन लोक चियै जे जग बिनाके घर बनाइछै। जब बरसा भेलै, बाइरह एलै, बिहाइर चललै तब ओकर घर खैसके बहुत बरका बरबादी भेलै।”

लुका 6:49 Referans Kwoze

मतीके लिखल सुसमाचार 23:3

ओहैसे तुसब ओइसबके कहल सब बात करिहे। महज उसब जे करैछै से तुसब नै करिहे, कथिलेकी उसब दोसरके त सिखाइछै महज आपने ओइ अनुसार नै चलैछै।

१ युहन्‍ना 2:19

उसब अपनासबके लोक नै रहै, तहै खातिर अपनासबके छोइरके चैलगेलै। यदि उसब अपनासबके लोकसब रहतियै त आपनेसबके सङे रहतियै। उसब अपनासबके नै चियौ से बात परस्‍टे छै से देखाइले उसब अपनासबके छोइरके चैलगेलै।

युहन्‍ना 15:2

हमरमे रहल सब ठाइर जे फल नै फराइछै, उ ओइसबके काइटदैछै आ फल फराइबला सब ठाइर औरो बेसीसे फराबे कैहके उ ओइसबके काटछाट करैछै।

लुका 12:47

“आपन मालिकके इक्‍छा जाइनके तयार नै रहै आ करैबला काम नै करैछै तेहन मुखियाके मालिक सजायके भागिदार बनेतै।

लुका 6:46

“हमर कहल बात नै करैचिही आ नै मानैचिही त तुसब कथिले हमरा ‘परभु, परभु’ कहैचिही?

मरकुस 4:17

महज ओइसबके आपन सिक्‍छाके सिर नै लागलसे उ बहौत देर नै टिकैछै। महज बचनमे बिस्‍बास करैके कारन जब दुख आ सताबट आबैछै, तब तुरन्‍ते उसब छोरदैछै।

२ पतरुस 2:20

महज उसब अपनासबके परभु आ मुक्‍तीदाता येसु खिरिस्‍टके चिन्‍हके सन्‍सारके घिनलागैबला बातसबसे छुटकरा पाबलाके बाद फेनसे पापमे परैछै त ओकरासबके दसा पहिनेसे औरो बेसी खराब हैछै।

१ थेसलोनिकी 3:5

ओहैसे जब हमरा नै रहल गेलै त, तुसब बिस्‍बासमे बलगर चिही कि नै बुझ्‍हैके लेल तिमोथिके तोरासबलग पठेलियौ। पापमे फसाइबला सैतान कहि तोरासबके फसाके हमरासबके करल मेहनत बेकार कैरदेल्‍कै कि कथी कैहके हम घबरागेलियै।

परेरित 26:11

बेर-बेर सभाघरसबमे ज्‍याके ओकरासबके दन्‍ड द्‍याके उसब परभु नै माने कैहके कोसिसो करलियै। हम तामससे चुर भ्‍यागेलियै आ ओकरासबके आनो देसके सहरसबमे ज्‍याके सताबैले लागलियै।

परेरित 20:29

हम जानैचियौ कि, हम चैलगेलाके बाद तोरौरके बिचमे जङली नरहियासब एतौ आ जेरके बाकी नै राख्‍तौ।

लुका 19:27

आब हमरा ओइसबके उपर राज करैत नै देखे सकैबला बिरोधीसबके हमरलग आन आ हमरे अगामे मार!’”

लुका 19:14

महज देसके परजासबके ओकर बात निक नै लाग्‍लै, तै खातिर उसब ओकर पछा-पछा दुतसबके पठाइल्‍कै आ कहल्‍कै, ‘यि लोक हमरासब उपर राज करे से हमसब नै चाहैचियै।’

मतीके लिखल सुसमाचार 24:10

“ओइ बखत बहुतो लोक आपन बिस्‍बास गुमाइतै। उ सब एक दोसरके धोखा देतै आ एक दोसरके घिरना करतै।

लुका 6:48

उ एकटा घर बनाइबला मिसतिरी नहाइत हैछै, जे गैहरसे जग खुइनके आपन घर खनखनियामे बनाइल्‍कै। जब बरका बरसा भेलै, बाइरह एलै, बिहाइर एलै तबो ओकर घरके कोनो छति नै भेलै, कथिलेत उ घर बलगर बनाइने छेलै।

लुका 7:1

तकरबाद येसु सब लोकसबके अरती उपदेस द्‍यादेलाकेबाद येसु कफरनहुम दिसन गेलै।