लुका 6:26 - मध्‍य पुरविया थारू

²⁶ धिक्‍कार तोरासबके, लोकसबसे परसन्‍सा लैबलासब कथिलेत तोरासबके पिता पुरखासब झुठा अगमबक्‍तासबके ओहिनङे करनेछेलौ।”

लुका 6:26 Referans Kwoze

युहन्‍ना 15:19

यदी तुसब अइ सन्‍सारके रहतिही त, सन्‍सारके लोकसब तोरा आपन कैहके परेम करतियौ। महज तुसब अइ सन्‍सारके नै चिही। हम तोरासबके सन्‍सारसे चुनलियौ, ओहैसे अइ सन्‍सारके लोकसब तोरासबके घिरना करैछौ।

याकुब 4:4

हे बेबिचारी लोकसब! परमेस्‍वरके छोइरके यि सन्‍सारके खराब चालचलनमे चलैबला लोकसब परमेस्‍वरके दुस्‍मन हैछै से बात तोरौरके थाह नै छौ? अहैलेल यदि कोनो लोक यि सन्‍सारके खराब चालचलनमे चल्‍तै, उ परमेस्‍वरके दुस्‍मन चियै।

मतीके लिखल सुसमाचार 7:15

“झुठा अगमबक्‍तासबसे होसियार रह, जे तोरासबके बिचमे भेंराके भेसमे आबैछौ, महज भितरसे उसब भुख्‍याल नरहिया जखा हैछै।

युहन्‍ना 7:7

सन्‍सारके लोकसब तोरासबके घिरना नै करे सक्‍तौ, महज हमरा त घिरना करैछै, कथिलेत उसबके काम दुस्‍ट छै कैहके हम गबाही दैचियै।

रोमी 16:18

कथिलेत एहेन लोकसब अपनासबके परभु येसु खिरिस्‍टके नै महज आपन पेटके लेल सेबा करैछै। उसब निक-निक बात बन्‍याके सिधासाधा लोकसबके ठगैछै।

लुका 6:25

धिक्‍कार, अखन तुहे अगहेल्‍हासब कथिलेत तोरासबके भुखले रहेपरतौ! अखन हाँसैबलासब, तोरासबके दुख हेतौ आ काने परतौ!