लुका 6:23 - मध्‍य पुरविया थारू

²³ तै बखत तुसब खुसीसे नाच, कथिलेत स्‍वरगमे तोरा बरका इनाम हेतौ। ओकरासबके पिता पुरखा पहिनेके अगमबक्‍तासबके ओहिनङे सताइने छेलै।

लुका 6:23 Referans Kwoze

परकास 21:7

जे कोइ जित्‍तै, उ यि सब अधिकार पाबतै। तब हम ओकर परमेस्‍वर हेबै आ उ हमर बेटा हेतै।

परकास 3:12

जे जित्‍तै, तकरा हम आपन परमेस्‍वरके मन्‍दिरके एकटा खम्‍हा बनाइबै आ ओतेसे उ कहियो नै बाहर निकल्‍तै। हम ओकरामे परमेस्‍वरके नाम आ हमर परमेस्‍वरके सहरके नाम अरथात स्‍वरगसे निचा आबैबला यरुसलेम लिख्‍बै तब ओइमे हमर आपन लया नाम सेहो लिख्‍बै।’

परकास 3:5

जे सैतानके जित्‍तै, उ अनङ उजर बस्‍तर लगाइतै आ ओकर नाम हम जिबनके किताबसे कहियो नै मिटकाइबै। उ हमर लोक चियै कैहके आपन पिता आ ओकर स्‍वरगदुतसबके अगा हम सुइकार करबै।’

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

मतीके लिखल सुसमाचार 5:12

तब खुसी आ आनन्‍द मना, कथिलेत तोरासबके खातिर स्‍वरगमे बरका इनाम राखल छौ। अहिनङे तोरासबसे पहिनेके अगमबक्‍तासबके उसब सताइने रहै।

परकास 2:26

जे जित्‍तै आ अन्‍ततक हमर इक्‍छा पुरा करैतजेतै, तकरा हम जाती-जाती उपर अधिकार देबै।

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

परकास 2:7

जकरा कान छै, से पबितर आत्‍मा मन्‍डलीसबके कथी कहैछै से बात सुने। जे जित्‍तै ओकरा परमेस्‍वरके स्‍वरगलोकमे भेल जिबन दैबला गाछिके फल खाइले देबै।’”

१ पतरुस 4:13

बरु खिरिस्‍टके दुख-कस्‍टमे सहभागी हैले पाबलियै कैहके आनन्‍द मना। जब उ आपन महिमाके सङे फेनसे एतै, तै बखत तुसब औरो आनन्‍द मनाइले सके।

याकुब 1:2

हे हमर भाइ-भैयासब, तोरौरके जब कोनो किसिमके आपत-बिपत एतौ तखुन तुसब खौब आनन्‍दके बात समझ।

परेरित 3:8

तब उ खुरखुराके उठलै आ चले-फिरे लाग्‍लै। चलैत-फिरैत आ उछरैत-कुदैत उ परमेस्‍वरके इस्‍तुती करैत पतरुस आ युहन्‍ना सङे मन्‍दिरमे ढुक्‍लै।

हिबरु 11:26

मिसर देसके धन-सम्‍पतीसे त बरु खिरिस्‍टके लेल निन्‍दीत हैले उ मुल्‍यबान सम्‍पती ठानल्‍कै। कथिलेकी उ आपन नजर इनाम दिसन लगाइने छेलै।

हिबरु 11:6

बिस्‍बास बिना परमेस्‍वरके खुसी करनाइ असम्‍भवछै, कथिलेकी जे परमेस्‍वरके नजदिक आबैछै, उ परमेस्‍वर छै आ ओकरा खोजैबलासबके इनाम देतै कैहके पक्‍का बिस्‍बास करेपरतै।

२ तिमोथी 2:12

यदी हमसब ओकरसङे दुख भोग्‍बै त, हमरौरके ओकरेसङे राज करबै। हमसब ओकरा इन्‍कार करबै त, ओहो हमरौरके इन्‍कार करतै।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

२ कोरन्‍थी 12:10

ओहैसे खिरिस्‍टके खातिर कमजोरीमे, बदनामीमे, कठिनाइमे, सताबटमे, आपत-बिपतमे हम सन्‍तुस्‍ट चियै। कथिलेकी जब हम कमजोर हैचियै, तब हम सक्‍तिसाली हैचियै।

रोमी 5:3

अतबेक नै, हमसब आपन दुख-कस्‍टमे सेहो आनन्‍द मनाबैचियै कथिलेत हमसब जानैचियै कि दुख-कस्‍टसे सहनसिलता उतपन कराबैछै,

परेरित 14:10

आ जोरसे अबाज निकाइलके कहल्‍कै, “तोहर टाङके भरमे ठार हो!” तब उ लोक सुनैत मातर उइठके चलेलाग्‍लै।

लुका 6:35

“महज आपन सतरुसबके परेम कर आ ओकरासबके भलाइ कर तब कोइ फिरता करतौ तै आसमे पैंचा नै दहै। तैसे तोरासबके इनाम बरका हेतौ तब तुसब महान परमेस्‍वरके बेटाबेटी कहाइबिही। कथिलेत उ बेगुनिया आ स्‍वारथी लोकसबके परेम करैछै।

लुका 1:44

जब हम तोहर गोरलगी सुनलियै, हमर कोइखके बच्‍चा खुसीसे कुइद उछरलै।

लुका 1:41

जब एलिसिबा मरियमके गोरलगी सुनल्‍कै तब ओकर कोइखके बच्‍चा चलेलाग्‍लै आ एलिसिबा पबितर आत्‍मासे भरपुर भ्‍याके,