लुका 5:24 - मध्‍य पुरविया थारू

²⁴ महज दुनियामे मानबके बेटाके पाप छमा करैके अधिकार छै से तुसब जान।” तब येसु लकबा मारल लोकके कहल्‍कै, “तु उठके आपन झोल्‍ङा उठा आ बोइकके घर जो।”

लुका 5:24 Referans Kwoze

परकास 1:13

हम डैठके बिचमे मानबके बेटा जखा टाङतक लाम बस्‍तर लगाइने आ छातिमे सोनाके चाकर-चौरस फिता लगाइने एक गोराके हम देखलियै।

परेरित 14:10

आ जोरसे अबाज निकाइलके कहल्‍कै, “तोहर टाङके भरमे ठार हो!” तब उ लोक सुनैत मातर उइठके चलेलाग्‍लै।

परेरित 9:40

तकरबाद पतरुस सबलोकके घरसे बाहर निकालल्‍कै आ ठेङहुनिया द्‍याके परथना करल्‍कै। तब लहास दिसन घुइमके कहल्‍कै, “तबिता, उठ!” तब उ आँख उघारल्‍कै त सामनेमे पतरुसके देखके उइठके बैठलै।

परेरित 9:34

पतरुस ओकरा कहल्‍कै, “ऐ एनियास, येसु खिरिस्‍ट तोरा निक करतौ। उठ आ तोहर बिछान मिला।” तब उ तुरन्‍ते उइठके ठार भेलै।

परेरित 5:31

इजराएलके लोकसबके पस्‍चातापके खातिर आ ओइसबके पापसे छमा दैके खातिर परमेस्‍वर येसुके परभु आ मुक्‍तीदाता बनाके आपन देहना कात बैठेल्‍कै।

युहन्‍ना 17:2

कथिलेत अहाँ आपन बेटाके सब लोकसब उपर अधिकार देनेचियै, ताकि अहाँके देल सब लोकसबके अनन्‍त जिबन देबेसकी।

युहन्‍ना 11:43

अतबे कैहके येसु जोरसे कहल्‍कै, “ए लाजरस, बाहर निकैलके या।”

युहन्‍ना 5:27

आ ओकरा नियाइयो करैबला अधिकार देनेछै, कथिलेत उ मानबके बेटा चियै।

युहन्‍ना 3:13

स्‍वरगसे उतैरके एल हम मानबके बेटा बाहेक कोइ नै स्‍वरगमे चरहल छै।

लुका 8:54

महज येसु ओकर हाथ पकैरके कहल्‍कै, “बेटी उठ!”

लुका 7:14

लगमे ज्‍याके लहासबला खटिया छुबल्‍कै, तब बोकैबलासब ठार भ्‍यागेलै। येसु कहल्‍कै, “ए जबान, हम तोरा कहैचियौ, उठ!”

लुका 5:13

येसु ओकर उपरमे हाथ राइखके कहल्‍कै, “हम चाहैचियौ। तु निक भ्‍याजो।” तखुन्‍ते कोढि-कुस्‍टी लागल लोक निक भेलै।

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

मतीके लिखल सुसमाचार 26:64

येसु ओकरा कहल्‍कै, “से बात अहि कैहदेलियै। तैयो हम तोरासबके कहैचियौ, एक दिन तुसब मानबके बेटाके सक्‍तीसाली परमेस्‍वरके देहना हाथ कातमे बैठल आ अकाससे बादलमे आबैत देखबिही!”

मतीके लिखल सुसमाचार 25:31

येसु कहल्‍कै, “जहिया मानबके बेटा पुरे स्‍वरगदुतसङे आपन महिमामे एतै, तहिया उ आपन महिमाके सिंहासनमे बैठतै।

मतीके लिखल सुसमाचार 16:13

जब येसु कैसरिया फिलिप्‍पीके सहरमे पुग्‍लै तब आपन चेलासबके पुछल्‍कै, “लोकसब मानबके बेटाके के चियै कैहके कहैछै?”

मतीके लिखल सुसमाचार 9:6

महज मानबके बेटाके पिरथिबीमे पाप छमा करैके अधिकार छै, से तुसब जान।” तकरबाद उ लकबा मारल लोकके कहल्‍कै, “उठ, तोहर बोरिया-बिस्‍तर बोक आ घर जो।”

मतीके लिखल सुसमाचार 4:24

अहिनङे ओकर कामके चरचा पुरे सिरिया परदेसमे फैलगेलै। हरेक परकारके रोग-बिमारसे सत्‍याल, भुत लागल, मिरगी लागल आ लकबा मारल लोकसबके येसु लग आनल्‍कै आ येसु ओइसबके निक करल्‍कै।

लुका 5:18

लोकसब तहै बखत एकटा लकबा मारल लोकके झोल्‍ङामे आनल्‍कै आ भितरमे येसुके अगा आनैले कोसिस करल्‍कै।

लुका 5:23

ओइ लकबा मारल लोकके, ‘तोहर पाप छमा भेलछौ’ कैहके, कहनाइ कि, ‘उठके चल कोन असल हेतै’?