लुका 4:35 - मध्‍य पुरविया थारू

³⁵ तब येसु ओकरा खिस्‍याके कहल्‍कै, “चुप हो बेसी नै बाज आ ओइ लोकसे बाहर निकैलजो!” ओइ लोकके ओहै ठाम सब लोकसबके अगामे उठासुठाके पटैकके भुत कथियो नै कैरके बाहर निकैल गेलै।

लुका 4:35 Referans Kwoze

लुका 4:41

बहुत लोकसबके देहसे भुतसब चिच्‍याइते ऐहेन कैहके निकल्‍लै, “अहाँ परमेस्‍वरके बेटा चियै!” महज येसु खिस्‍याके भुतसबके बोले नै देल्‍कै कथिलेत मुक्‍ती दैबला खिरिस्‍ट चियै कैहके चिन्‍हैछेलै।

लुका 4:39

तब ओकरलग ठार भ्‍याके येसु कहल्‍कै, “जर बोखार अकरा छोर!” तब उ निक भ्‍यागेलै आ तखुन्‍ते उठके ओकरासबके स्‍वागत सत्‍कार करल्‍कै।

मतीके लिखल सुसमाचार 8:26

महज येसु ओकरासबके कहल्‍कै, “कथिले तुसब डेराइचिही? तोरासबके बिस्‍बास कते गेलौ?” तब येसु उइठके अन्‍हर-बिहाइर आ तालके हप्‍केल्‍कै आ अन्‍हर-बिहाइर एकदम सान्‍त भ्‍यागेलै।

परकास 12:12

तै खातिर स्‍वरग आ ओते रहैबलासब आनन्‍द मना! महज पिरथिबी आ समुन्‍दरमे कतहेक दुख हेतौ! कथिलेत तोरासबके बिचमे सैतान करोधके साथ उतैरके एलछौ, आ ओकर समय ओराइले लागलछै से ओकरा मालुम छै।”

लुका 11:22

महज ओकरसे सक्‍तिसाली लोक आइबके हमला कैरके जितलेतै त, ओकरमे भर परलहा सब हथियारसब छिनके ल्‍याजेतै आ ओकर लुटल सरसमानसब आपनमे बाँटतै।

लुका 9:42

महज ओइ बालकके येसु लग आनैबखत भुत आत्‍मा ओकरा पटैकके मुह भुँइयामे घोसियाइले लाग्‍लै। महज येसु ओइ भुत आत्‍माके हकारल्‍कै आ ओइ बालकके निक कैरके ओकर बाबुके जिमा लग्‍या देल्‍कै।

लुका 9:39

देखु, ओकरा भुत लागत, उ अचानक चिच्‍याएत, पटकत जाबेतक लेरपोंटा नै चुबायत ताबे तक नै छोरत।

लुका 8:24

तब उसब येसुके लगमे आइबके उठाइत कहल्‍कै, “गुरु जी, गुरु जी, हमसब डुबे लागलियै।” येसु उठके अन्‍हर-बिहार आ छालके रोकल्‍कै आ उ रुक्‍लै आ सब सान्‍त भेलै।

मरकुस 9:26

तब भुत आत्‍मा ओकरा थरथराबैत ओकर देसके हिलाइत ओकरासे निकैलके गेलै आ उ मरल लहास जखा भ्‍यागेलै, यि देखके बहुत लोक उ मर गेलै कि कथी कैहके कहेलाग्‍लै।

मरकुस 1:26

तखुन्‍ते ओइ लोकके भुत उठासुठाके पटैकके आ जोरसे हल्‍ला करैत बाहर निकैलके गेलै।

मतीके लिखल सुसमाचार 17:18

तब येसु भुत आत्‍माके डाटल्‍कै आ भुत आत्‍मा ओकरसे निकैलेके गेलै। तब तखुन्‍ते उ छौरा निक भेलै।

मरकुस 4:39

तब येसु उठलै आ अन्‍हर बिहाइरके हकारल्‍कै आ झोहके कहल्‍कै, “रुइक जो! सान्‍त हो!” अन्‍हर बिहाइर रुक्‍लै तब सब सान्‍त भेलै।

लुका 4:23

तब येसु ओकरासबके कहल्‍कै, “साँचोके तुसब हमरा यि फोकरा कहबिही, ‘ए बैध, तु अपने आपके निक कर।’ तोहे कफरनहुममे जे जतेक करलिही से हमरासबके सुन्‍ने छेलियौ, से आपने गाम-ठाममे कर।”