लुका 4:23 - मध्‍य पुरविया थारू

²³ तब येसु ओकरासबके कहल्‍कै, “साँचोके तुसब हमरा यि फोकरा कहबिही, ‘ए बैध, तु अपने आपके निक कर।’ तोहे कफरनहुममे जे जतेक करलिही से हमरासबके सुन्‍ने छेलियौ, से आपने गाम-ठाममे कर।”

लुका 4:23 Referans Kwoze

मरकुस 6:1

येसु ओइ ठामसे निकैलके आपने गाम घुइमके चैलएलै। ओकर चेलासब ओकर पछा-पछा गेलै।

मतीके लिखल सुसमाचार 4:13

आ नासरत सहर छोइरके कफरनहुममे ज्‍याके ओतै रहेलाग्‍लै। यि सहर जबुलुन आ नप्‍ताली कुलके इलाका, समुन्‍दरके पखामे परैछै।

२ कोरन्‍थी 5:16

अहैलेल आबसे हमसब ककरो लोकके दिरिस्‍टीसे नै देखब। हमसब खिरिस्‍टके एक समय लोकके दिरिस्‍टीसे देखै छेलियै महज आबसे ओकरा हमसब ओनङके नै देख्‍बै।

युहन्‍ना 4:28

तहै बखत सामरी जनी आपन घैला ओतै छोइरके गाममे गेलै आ लोकसबके कहल्‍कै,

लुका 6:42

आपन आँखके ढेङ नै देखैचिही त आपन भाइके कनङके कहे सकबिही, ‘ला त तोहर आँखके कुरकुट निकाइल दैचियौ।’ ऐ कपटीसब! पहिने आपन आँखके ढेङ निकाल तब दोसरके आँखके कुरकुट असलसे देखे सकबिही।”

लुका 4:16

येसु नासरत गाममे एलै, जते उ बरहल छेलै। ओते उ पबितर बिसरामके दिन यहुदी सभाघरमे जाइ छेलै। पबितर धरमसास्‍तर परहैले ठार भेलै।

मतीके लिखल सुसमाचार 13:54

उ आपन गाम नासरतमे आइबके ओतेका सभाघरमे लोकसबके सिक्‍छा देबे लाग्‍लै। लोकसब ओकर बात सुइनके आस्‍चरज मानल्‍कै आ कहल्‍कै, “अकरा एहेन बुइध आ अजगुतके काम करैबला सक्‍ती कतेसे एलै?

मतीके लिखल सुसमाचार 4:23

येसु पुरे गालिल परदेसके सभाघरसबमे सिक्‍छा देबे लाग्‍लै, स्‍वरगके राजके सुसमाचार परचार करैत आ लोकसबमे लागल सब परकारके रोग-बिमारके निक करल्‍कै।

लुका 2:39

जब योसेफ आ मरियम परमपरभुके नियम अनुसार सबकाम कैरके ओराइल्‍कै तकरबाद उसब गालिलके आपन सहर नासरतमे गेलै।

लुका 2:51

तकरबाद येसु, मरियम आ योसेफसङे नासरतमे गेलै आ उसबके आग्‍याकारी भ्‍याके रहलै। ओकर माँ मरियम यि सबबातसब बिचार कैरके मनमे राखैत गेलै।

लुका 4:31

तब येसु गालिलके एकटा सहर कफरनहुममे गेलै। पबितर बिसराम दिनमे येसु सबके सिक्‍छा दैछेलै।

लुका 4:35

तब येसु ओकरा खिस्‍याके कहल्‍कै, “चुप हो बेसी नै बाज आ ओइ लोकसे बाहर निकैलजो!” ओइ लोकके ओहै ठाम सब लोकसबके अगामे उठासुठाके पटैकके भुत कथियो नै कैरके बाहर निकैल गेलै।