लुका 24:25 - मध्‍य पुरविया थारू

²⁵ तब येसु ओइसबके कहल्‍कै, “तुसब केहन मुरुख लोकसब चिही, तोरासबके हिरदय अतहेक मोट भ्‍यागेल्‍छौ, कि अगमबक्‍तो सबके कहलहा बातके बिस्‍बास नै करैचिही?

लुका 24:25 Referans Kwoze

मरकुस 9:19

तब येसु ओकरासबके कहल्‍कै, “ए थेथर पुस्‍ता, कहियातक हम तोरासबके बिचमे रहबौ? कहियातक बिस्‍बासमे कमजोरे रहबिही? तोहर बेटाके हमरलग आन।”

मरकुस 7:18

येसु ओकरासबके कहल्‍कै, “अखुनतक तुसब अबुझेचिही? जे बाहरसे लोक भितरमे ढुकैछै, उ ओकरा असुध नै करैछै से तुसब नै जानैचिही?

मरकुस 16:14

अन्‍तमे जब एगारहो चेलासब बैठके खान-पिन करैतरहै तहै बखत येसु ओइसबके बिचमे परगट भेलै। उसबके अबिस्‍बास आ कठोर हिरदयके कारन येसु उसबके खिस्‍याइल्‍कै। कथिलेत उ मरके जिबित भ्‍याल ओकरा देखैबला सबके बातमे उसब बिस्‍बास नै करने रहै।

मतीके लिखल सुसमाचार 26:24

मानबके बेटाके समबन्‍धमे जे धरमसास्‍तरमे लिखल छै, तहिने ओकरा जाही परतै, महज धिक्‍कार छै ओइ लोकके जे मानबके बेटाके पकराइतै। उ लोक जलम नै लेने रहतियै त ओकरलेल असल हेतियै।

लुका 24:24

यि बातसब सुइनके हमरासबके बिचसे कोइ-कोइ चिहानमे ताकैले गेलै आ उ जनिजाइतसब जे बातसब कहने रहै, तैहनङे देखल्‍कै, महज येसुके नै देखल्‍कै।”

युहन्‍ना 5:39

तुसब यि सोइचके धरमसास्‍तर निकसे परहैचिही कि, ओइमे अनन्‍त जिबन छै, महज एह्‍या धरमसास्‍तर हमर बारेमे गबाही दैछै।

१ कोरन्‍थी 15:3

हम जे पाबलियै ओह्‍या सबसे मुख बिसयके रुपमे तोरासबके सोइप देलियौ, अरथात पबितर धरमसास्‍तर अनुसार खिरिस्‍ट अपनासबके पापके खातिर मरलै।