लुका 23:5 - मध्‍य पुरविया थारू

⁵ महज उसब जोरसे हल्‍ला तोइरके कहल्‍कै, “यि लोक गालिलसे सुरु कैरके पुरे यहुदिया आ अते तकके सब लोकसबके आपन सिक्‍छासे बहकाबैछै।”

लुका 23:5 Referans Kwoze

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 1:43

तकर बिहानके येसु गालिल इलाका जाइले निरनय कैरके निकललै। तहै बखत ओकरा फिलिपसङे भेट भेलै आ उ ओकरा कहल्‍कै, “हमर पछा लाग।”

मरकुस 1:14

जब युहन्‍ना जहलमे परलै तब येसु गालिल इलाकामे गेलै आ परमेस्‍वरके सुसमाचार परचार करल्‍कै।

मतीके लिखल सुसमाचार 4:23

येसु पुरे गालिल परदेसके सभाघरसबमे सिक्‍छा देबे लाग्‍लै, स्‍वरगके राजके सुसमाचार परचार करैत आ लोकसबमे लागल सब परकारके रोग-बिमारके निक करल्‍कै।

परेरित 23:10

जब ओइसबमे मतभेद बरहैत गेलै तब सेनापती डेरागेलै जे पावलके उसब टुकरा-टुकरा कैर नै दै। तैल्‍याके उ सैनिकसबके निचा ज्‍याके पावलके ओइसबके बिचसे जबरजस्‍तीसे गढ़मे लजाइले आग्‍या करल्‍कै।

परेरित 10:37

अहाँसबके थाहे हेत कि युहन्‍नासे बप्‍तिस्‍माके परचार करलाके बाद, गालिलसे सुरु कैरके सरा यहुदिया भैर कथी कथी घटना भेलै।

परेरित 7:57

महज यि बात सुइनके उसब आपन-आपन कान मुइनके जोर-जोरसे हल्‍ला करैत ओकर दिसन मारैले दौरलै।

परेरित 7:54

स्‍तिफनसके बात सुइनके महासभामे बैठल लोकसब तामससे ओकरमे दाँत किरकिराबे लाग्‍लै।

परेरित 5:33

जब उसब यि बातसब सुनल्‍कै तब महासभाके सदससब रिससे चुरभेलै आ ओइसबके मारैले चाहल्‍कै।

युहन्‍ना 19:15

तब उसब जोर-जोरसे कहेलाग्‍लै। “ओकरा मार! ओकरा मार! ओकरा कुरूसमे लटका!” पिलातस ओइसबके पुछल्‍कै, “कि हम साच्‍चे तोरासबके रजाके कुरूसमे लटकेबौ?” मुल पुजारीसब जबाब देल्‍कै, “कैसर छोइरके दोसर कोइ नै हमरासबके रजा छै।”

युहन्‍ना 7:52

तब उसब ओकरा जबाफ देल्‍कै, “कि तुहु गालिली चिही? पबितर धरमसास्‍तरमे खोज आ तोरा थाह हेतौ कि, गालिलसे कोनो अगमबक्‍ता नै एतै।”

युहन्‍ना 7:41

कुछ लोकसब कहै, “यि त मुक्‍ती दैबला खिरिस्‍ट चियै।” महज कोइ-कोइ कहै जे, “कि खिरिस्‍ट गालिलसे एतै?

लुका 23:23

महज तैयो उसब हल्‍ला कैरते रहलै अकरा कुरूसमे टाङैये परतै से बात कैहते रहलै। तकरबाद ओइसबके माङके सुनबाइ भेलै।

लुका 11:53

जब येसु ओइ ठामसे चैलगेलै, तब धरमगुरुसब आ फरिसीसब बिरोध करे लाग्‍लै आ बहुत बातसब पुछेलाग्‍लै।

मतीके लिखल सुसमाचार 27:24

जखन पिलातस येसुके बचाइबला यि उपाय असफल हैत मातरे नै बल्‍की अइसे उपदरब मैच जेतै देखल्‍कै, तै डरसे पानी ल्‍याके भिरके अगा आपन हाथ धोवाइत कहल्‍कै, “अइ लोकके लहुके दोसी हम नै चियै। तुहिसब अइ बातके जिम्‍मेबार हेब्‍ही!”

मतीके लिखल सुसमाचार 2:1

रजा हेरोदके बखतमे यहुदिया परदेसके बेथलेहेम गाममे जब येसुके जलम भेलै, ओह्‍या बखत पुरुबसे ज्‍योतिसीसब यरुसलेममे एलै,

मतीके लिखल सुसमाचार 11:1

येसु आपन बारहो चेलासबके यि बातके आदेस देलाके बाद ओतेसे चैलगेलै। तब उ गालिल परदेसके सहरसबमे सिक्‍छा देबे लाग्‍लै आ सुसमाचार परचार करे लाग्‍लै।

लुका 23:6

तब पिलातस यि बातसब सुइनके पुछल्‍कै, “यि लोक गालिलके चियै?”