लुका 23:34 - मध्‍य पुरविया थारू

³⁴ तब येसु कहल्‍कै, “हे पिता, अकरासबके छमा कैरदियौ, कथिलेत यीसब कथी करैछै से नै जानैछै।” तब उसब येसुके बस्‍तर लैले चिठा लग्‍याके भाग लगाइल्‍कै।

लुका 23:34 Referans Kwoze

मतीके लिखल सुसमाचार 5:44

महज हम तोरासबके कहैचियौ, आपन दुस्‍मनोसबसे परेम कर आ तोरासबके सताबैबलासबके खातिर परथना कर,

परेरित 7:60

उ ठेङहुनिया द्‍याके जोरसे कहल्‍कै, “हे परभु, यि पापके दोस अकरौरके नै लागे।” अतहेक कहलाके बाद ओकर परान छुइटगेलै।

१ पतरुस 3:9

खराबीके बदला खराबी या अपमानके बदला अपमान नै कर। बरु खराबीके बदला आसिस दहै, कथिलेकी यह्‍या करैके लेल परमेस्‍वर तोरासबके बोलाइनेछौ आ तुहुसब आसिस पाबबिही।

रोमी 12:14

तोरासबके सताबैबलासबके सराप नै महज आसिरबाद दहै।

१ कोरन्‍थी 2:8

अइ जुगके कोनो सासकसब परमेस्‍वरके बातके बुझैले नै सकल्‍कै। यदि उसब बुझने रहतियै त महिमाके परभुके कुरूसमे नै टाङतियै।

१ तिमोथी 1:13

एक समयमे हम्‍हु परमेस्‍वरके निन्‍दा करैबला आ ओकरमे बिस्‍बास करैबलासबके सताइबला आ दुरछिया करैबला लोक छेलियै। महज परमेस्‍वर हमरा दया करल्‍कै कथिलेकी उ कामसब हम अन्‍जानमे करलियै आ ओइ बखत हम परभुके नै चिन्‍है छेलियै।

परेरित 3:17

“पिरिय भाइसब, हमरा थाहछै कि तुसब अनजानमे अनङ करलिही आ तोरौरके सासकोसब अहिनङे करल्‍कौ।

१ कोरन्‍थी 4:12

हमसब आपन हाथसे काम कैरके मेहनत करैचियै। जे हमरासबके सराप दैछै ओकरासबके हमसब आसिरबाद दैचियै आ सताबट आबैछै त हमसब सहैचियै।

मतीके लिखल सुसमाचार 11:25

ओहै बखत येसु कहल्‍कै, “हे पिता स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत यि बातसब अहाँ बातसब बुधिमान आ बिदवान सबसे घोसाइरके राखलियै, महज बच्‍चासबमे परगट करलियै।

युहन्‍ना 19:11

येसु जबाब देल्‍कै, “यदी परमेस्‍वर अहाँके कोनो अधिकार नै देने रहतियौ त हमर उपर अहाँके कोनो अधिकार नै रहतियै। तै खातिर हमरा तोहर हाथमे सोपै बलासब औरो बेसीसे पापके भागिदार हेतै।”

मरकुस 15:24

तब उसब येसुके हाथ-टाङमे काँटी ठोइकके कुरूसमे लटकेल्‍कै आ सिपाहीसब येसुके बस्‍तर ककर ककर भागमे परतै कैहके चिठा लगाके बाटल्‍कै।

मतीके लिखल सुसमाचार 11:26

हँ पिता, कथिलेत अहाँके अहिनङ करैले असल लागल।

लुका 22:42

“हे हमर पिता, अहाँ इक्‍छा करैचियै त, यि दुखके बाटी हमर लगसे हटा दिय। हमर इक्‍छा नै, महज अहैके इक्‍छा पुरा हेबे।”

युहन्‍ना 17:9

“आब हम ओइसबके लेल परथना करैचियै। हम सन्‍सारके लेल परथना नै करबै, महज ओकरासबके लेल, जकरा अहाँ हमरा देनेचियै। कथिलेत उसब अहैके चियै।

परेरित 16:28

यि देखैत मातर पावल जोरसे कहल्‍कै, “ठहर, ठहर! तु आपने आपके कुछो नै कर, कथिलेत हमरौरके सबगोरा अतै चियौ।”