लुका 23:33 - मध्‍य पुरविया थारू

³³ जब उसब खप्‍परे कहैबला ठाउमे एलै, तब ओते उसब येसुके कुरूसमे लटकेल्‍कै, ओइ दुइटा डाकुवोसबके, एकटाके देहना कता आ दोसरके बमा कता कुरूसमे लटकादेल्‍कै।

लुका 23:33 Referans Kwoze

१ पतरुस 2:24

हमसब पापके लेल मैरके धारमिकताके लेल जियैले सकि कैहके खिरिस्‍ट अपनासबके पापसबके खातिर आपन देहमे पाप बोइकके कुरूसमे मरलै। ओकर चोटसबसे तुसब निक भेलचिही।

युहन्‍ना 18:32

आपन मिरतु कनङके हेतै कैहके येसुके कहल बात पुरा हैकेलेल ऐहेन भेल छेलै।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

परेरित 13:29

आ ओकर बिसयमे लिखल सब बात उसब पुरा करलाके बाद उसब येसुके कुरूससे निचा उताइरके चिहानमे लज्‍याके राखल्‍कै।

परेरित 5:30

हमरासबके पितापुरखाके परमेस्‍वर येसुके मरलसे जियाइल्‍कै, जकरा तुसब कुरूसमे लटकाके मारने छेल्‍ही।

परेरित 2:23

परमेस्‍वरके आपन निस्‍चित योजना आ ग्‍यान अनुसार पकरल गेलै। एह्‍या येसुके अधरमी लोकसबके हाथसे तुसब कुरूसमे किल्‍ला ठोइकके मारलिही।

युहन्‍ना 3:14

उजार जगहमे जहिनङ मोसा पितैरके साँपके उठेल्‍कै तहिनङे मानब-बेटा उठाल जेतै।

लुका 24:7

‘मानबके बेटा पापी लोकसबके हाथमे परतौ, कुरूसमे लटक्‍याल जेतौ आ तेसर दिनमे जिबित भ्‍याके उठतौ’ कि तोरासबके याद नै छौ?”

मतीके लिखल सुसमाचार 26:2

“तोरासबके थाहे छौ कि आइके दुइ दिन बाद निस्‍तार पाबैन छै। ओहै समयमे हम मानबके बेटा कुरूसमे टाङैके लेल पकराएल जेबै।”

मतीके लिखल सुसमाचार 20:19

तब ओकरा गैर-यहुदीसबके हाथमे सौपतै। ओकरा गिल्‍ला करतै, कोरासे पिटतै आ कुरूसमे टाङइके माइरदेतै। महज फेनो उ तेसर दिनमे जिबित भ्‍याके उठतै।”