लुका 23:27 - मध्‍य पुरविया थारू

²⁷ लोकसबके बहुत बरका भिर येसुके पछा-पछा लागल छेलै। ओइ भिरमे जनिजाइतोसब छेलै, उ जनिजाइतसब येसुके खातिर कानैत-खिजैत आ सोक करैतरहै।

लुका 23:27 Referans Kwoze

लुका 8:52

ओइठाम भिर भेल्‍हा सब लोकसब कानैखिजै छेलै। येसु ओकरासबके कहल्‍कै, “नै कानै, उ नै मरल छौ, महज सुतल छौ।”

लुका 8:2

भुतसब आ रोग-बिमारसे निक भेल्‍हा जनिसब सेहो पछा लाग्‍लै। ओइमेसे सात भुत लागलसे निक भेल मग्‍दलिनी कहैबाली मरियम सेहो छेलै।

मरकुस 15:40

जनिजाइतोसब दुरेसे ठार भ्‍याके देखरहल छेलै। ओइसबमेसे मरियम मग्‍दलिनी, छोट याकुब आ योसेसके माँ मरियम आ सलोमी सेहो छेलै।

लुका 23:55

गालिलसे येसुसङे एल्‍हा जनिजाइतसब योसेफके पछा-पछा गेलै आ ओइ सरामे ओकर लहास कनङके राख्‍लछै सोहो देखल्‍कै।

मतीके लिखल सुसमाचार 27:55

बहौत जनिसब सेहो ओतै छेलै, उसब दुरेमे ठार भ्‍याके यि घटनासब देखैछेलै। उसब येसुके सेबा टहल करैत गालिल परदेससे पछुवाइत एलछेलै।

मतीके लिखल सुसमाचार 11:17

‘हमसब तोरासबके खातिर बौसली बजेलियौ, तैयो तुसब नै नाचलिही। तोरासबके खातिर बिलापके गित गाबलियौ महज तुसब सोक नै करलिही।’

लुका 23:28

तब येसु ओइसब दिसना घुइमके कहल्‍कै, “हे यरुसलेमके बेटीसब, हमर खातिर तोरौरके नै कान, महज तोरौरके आपन खातिर आ आपन धिया-पुताके खातिर कान।

युहन्‍ना 16:20

साँचोके हम तोरासबके कहैचियौ, तुसब कानबिही आ खिजबिही, महज सन्‍सार खुसी हेतौ। तुसब दुखमे परबिही, महज तोरासबके दुख, खुसी आ आनन्‍दमे बदैल जेतौ।