लुका 22:29 - मध्‍य पुरविया थारू

²⁹ जनङ हमर पिता हमरा राज करैले अधिकार देल्‍कै, तैहनङे हम्‍हु तोरौरके देबौ।

लुका 22:29 Referans Kwoze

२ तिमोथी 2:12

यदी हमसब ओकरसङे दुख भोग्‍बै त, हमरौरके ओकरेसङे राज करबै। हमसब ओकरा इन्‍कार करबै त, ओहो हमरौरके इन्‍कार करतै।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

मतीके लिखल सुसमाचार 24:47

साँचे हम तोरासबके कहैचियौ, मालिक सारा सम्‍पतिके जिमा ओइ नोकरके देतै।

लुका 12:32

ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

लुका 19:17

तब उ ओकरा कहल्‍कै, ‘चाबस तु हमर असल सेबक चिही, कथिलेत छोट चिजमे बिस्‍बास करलिही। आब तोरा दस सहरसबमे अधिकार देबौ।’

१ पतरुस 5:4

जब परधान चरबाहा परगट हेतै, तब तुसब सबदिन चम्‍कैबला मुकुट पाबबिही जकर सोभा कहियो नै घटतौ।

१ कोरन्‍थी 9:25

खेलमे भाग लेबेबला खेलारी सब बातमे अनुसासनमे रहैले परैछै। उसब नास हैबला मुकुटके लेल एहेन करैछै, महज हमसब नास नै हैबला मुकुटके लेल एहेन करैचियै।

२ कोरन्‍थी 1:7

तोरासबके बिसयमे हमरासबके आसा एकदमसे अटल छै। कथिलेकी हमरासबके थाहछै कि, तुसब हमरासबके जखा भोगल दुख भोगैचिही, तहिनङे हमरासबके भेटल सान्‍तबना जखा तुहुसब सान्‍तबना पाबबिही।

परकास 21:14

ओइ सहरके देबालके बारहटा जग छेलै आ ओइमे थुमाके बारह परेरितसबके नाम लिखल छेलै।

मतीके लिखल सुसमाचार 5:3

धैनके चियै आपनके आत्‍मिक रुपमे कमजोर बुझैबलासब, कथिलेत स्‍वरगके राज ओहिनेसबके चियै।

मतीके लिखल सुसमाचार 5:10

धैनके चियै धारमिकताके खातिर सताबट भोगैबलासब, कथिलेत स्‍वरगके राज ओहिनेसबके चियै।

मतीके लिखल सुसमाचार 25:21

मालिक कहल्‍कै, ‘स्‍याबास! तु असल आ बिस्‍बास योग्‍य नोकर चिही। थोरबे चिजमे तु बिस्‍बास योग्‍य रहलिही। आब हम तोरा बहौत चिजके जिमा देबौ। हमरासङे आनन्‍द मना।’