लुका 22:20 - मध्‍य पुरविया थारू

²⁰ ऐहनङे ख्‍यालेलाके बाद उ बाटी लेल्‍कै आ कहल्‍कै, “यि बाटी तोरौरके खातिर हमर लहुसे बान्‍हल लबका करार चियौ। यि लहु तोरेऔरके खातिर बह्‍याल गेल छौ।

लुका 22:20 Referans Kwoze

१ कोरन्‍थी 11:25

तहिनङे रोटी खेलाके बाद बाटी लेल्‍कै आ कहल्‍कै, “परमेस्‍वर आ लोकके बिचमे समबन्‍ध अस्‍थपना करैबला यि हमर लहु चियौ। जहिया-जहिया तुसब यि पिब्‍ही, तहिया-तहिया हमर सम्‍झनामे एहेन कैरते रह।”

मतीके लिखल सुसमाचार 26:28

यि परमेस्‍वर आ लोकसबके बिचमे समबन्‍ध बनाबैबला हमर लहु चियै, जे बहुतो लोकसबके पापसे छमा पाबैके लेल बह्‍याल ज्‍यारहल छै।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।

हिबरु 12:24

तुसब त परमेस्‍वर आ लोकसबके बिचमे लबका करार बान्‍हैबला मध्‍यस्‍तकरता येसुलग एलचिही। तुसब हाबिलके लहुसे बेसी असल बातके परतिग्‍या करैबला येसुके लहुमे एल चिही।

हिबरु 9:17

जाबेकत इक्‍छा पतर दैबला लोक जिबित रहैछै ताबेतक इक्‍छा पतर काम नै करैछै। इक्‍छा पतर दैबला लोक मरलाके बाद मातरे इक्‍छा पतर काम करैछै।

२ कोरन्‍थी 3:6

ओह्‍या हमरासबके लया करारके सेबकसब बनैके लेल योग्‍य बनेल्‍कै। यि करार लिखीत बेबस्‍थाके नै महज पबितर आत्‍माके करार चियै। कथिलेकी पुरन्‍का लिखल बेबस्‍थाके करार त मिरतु लाबैछै, महज लया करारमे पबितर आत्‍मा त जिबन दैछै।

हिबरु 9:15

ओहै कारनसे परमेस्‍वरके परतिग्‍या करल सबदिन रहैबला अनन्‍त उतराधिकारी पाबे कैहके उ बोलेल्‍हासबके लेल खिरिस्‍ट लया करारके मिलाप कराबैबला चियै, कथिलेत पहिन्‍का करारके समयमे लोकसबके करल पापसे छुटकरा दैले उ मरलै।

मरकुस 14:24

उ ओइसबके कहल्‍कै, “यि परमेस्‍वर आ लोकके बिचके समबन्‍ध अस्‍थापित करैबला हमर लबका करारके लहु चियौ, जे बहुत लोकके लेल बहाएल जेतै।