लुका 21:36 - मध्‍य पुरविया थारू

³⁶ महज यि सब बातसबसे बचैले आ मानब पुतरके अगामे ठडा हेबे सके तै सक्‍तिके लेल परमेस्‍वरसङे सबघरी जागल रह आ परथना कर।”

लुका 21:36 Referans Kwoze

१ युहन्‍ना 2:28

हमर धियापुतासब, खिरिस्‍टमे रह आ जहिया उ परगट हेतौ, तहिया तोरासबके साहस मिल्‍तौ तब ओकर आबैबला ओइ दिन ओकर अगा लाजमे नै परबिही।

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

मतीके लिखल सुसमाचार 25:13

“अहैलेल जागल रह, कथिलेकी मानबके बेटा कोन दिन आ कोन घरी एतौ तोरासबके थाह नै हेतौ।”

मतीके लिखल सुसमाचार 24:42

“अहैलेल तुसब जागल रह, कथिलेकी तुसब नै जानैचिही कि तोरासबके परभु कोन दिन आइबजेतौ।

१ पतरुस 4:7

सब चिजके अन्‍त हैके समय चैल एलछै। ओहैसे तुसब आपन मनके सुध आ आपनेके बसमे राख ताकी तुसब असलसे परथना करे सक।

१ कोरन्‍थी 16:13

होसियार भ्‍याके बिस्‍बासमे अरल रह। साहसी आ बौकार हो।

लुका 18:1

तकरबाद चेलासबके सबदिन परथना करे आ निरास नै हेबे कैहके येसु ओइसबके एकटा खिसा कहल्‍कै,

मरकुस 13:33

तै खातिर होसियार भ्‍याके जालग रह आ परथना करैतरह! कथिलेत उ बखत कखनी एतौ से तुसब नै जानैचिही।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।

मतीके लिखल सुसमाचार 26:41

जागल रह आ जाँचमे नै परे खातिर तुसब परथना करैतरह। आत्‍मा त साँचोके तैयार छै महज देह दुरबल छै।”

१ थेसलोनिकी 5:17

लगातार परथना करैतरह।

मरकुस 13:37

हम तोरासबके जे कहैचियौ से हमसब लोकसबके कहैचियौ कि जागल रह!”

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

कलस्‍सी 4:2

तुसब सचेत भ्‍याके धन्‍यबादी हिरदयके साथ परथनामे लागल रह।

परेरित 10:2

उ परमेस्‍वरके भक्‍त छेलै। उ आ ओकर परिबारके सब सदस परमेस्‍वरके डर मानैबला लोकसब रहै। उ गरिबसबके उदारचितसे दान करैछेलै आ परमेस्‍वरसङे लगातार परथना करैतरहै छेलै।

लुका 20:35

महज ओइ जुगतक पौहुचैके योग्‍य ठहरल लोकसब आ मैरके जि उठैके योग्‍यके हैबलासब बियाह नै करैछै आ नै कराइछै।

मतीके लिखल सुसमाचार 8:20

तब येसु ओकरा कहल्‍कै, “देख, नरहियाके सोहैन छै आ चिरै-चुरगुनसबके खोता छै महज मानबके बेटाके त मुर राखैके ठामोतक नै छै।”

मतीके लिखल सुसमाचार 24:43

महज यि जानैत रह, कि चोर कोन बखत एतै कैहके मालिकके थाह हेतियै त उ जागले रहतियै आ चोरके सिन कोरके घर ढुकैले नै देतियै।

मतीके लिखल सुसमाचार 24:44

तै खातिर तुहुसब तैयार रह, कथिलेत तुसब नै सोचलहा बखत मानबके बेटा एतौ।

लुका 1:19

स्‍वरगदुत ओकरा कहल्‍कै, “हम गबरिएल चियै, हम परमेस्‍वरके अगामे ठार रहैचियै। तोहर सङे बात करैले आ असल समाध सुनाबैले परमेस्‍वर हमरा पठाइने छै।

लुका 21:35

सारा सन्‍सारमे रहैबला लोकसबसङे ऐहनङे हेतौ।

२ कोरन्‍थी 4:14

हमसब जानैचियै कि परभु येसुके जियाइबला हमरोसबके येसु सङे जियाइतै आ वह्‍या हमरासबके आ तोरासबके आपनलग लजाइतै।

परकास 6:17

कथिलेत ओइसबके नियाय आ सजायके बरका दिन आइबगेल छै, के ओइ दिनके सहन करैले सक्‍तै?”

परकास 7:9

तकरबाद हम ताकलियै त कोइ नै गनैले सकैबला लोकसबके एकटा बरका भिर देखलियै। उसब हरेक जाती, हरेक कुल, हरेक देस आ हरेक भसाके लोक छेलै। उसब उजर बस्‍तर पिन्‍हके हाथमे खजुरके ठाइर लेके सिंहासन आ थुमाके अगा ठारभेल हम देखलियै।

परकास 8:2

तकरबाद परमेस्‍वरके अगा ठार रहैबला सात स्‍वरगदुतसबके देखलियै। परमेस्‍वर ओकरासबके एक-एकटा तुरही देल्‍कै।

परकास 11:4

उ दुइटा साक्‍छीसब, दुइटा जैतुनके गाछसब आ दुइटा डैठसब चियै जे पिरथिबीमे राज करैबला परभुके अगा ठार रहैछै।