लुका 21:19 - मध्‍य पुरविया थारू

¹⁹ कथिलेत तोरासबके आपन धिरजके कारन जिबन मिल्‍तौ।”

लुका 21:19 Referans Kwoze

हिबरु 10:36

परमेस्‍वरके इक्‍छा पुरा करनाइ आ ओकर परतिग्‍या करल बात पाबैके लेल तोरासबके अस्‍थिर रहैये परतौ

मतीके लिखल सुसमाचार 10:22

हमर खातिर तुसब लोकसबसे घिरनित हेब्‍ही। महज जे अन्‍तिम दिनतक स्‍थिर रहतै, उ उदार पाबतै।

याकुब 1:3

कथिलेकी तुसब जानैचिही, तोरासबके बिस्‍बासके जाँचसे धिरज उतपन कराइतौ।

परकास 3:10

पिरथिबीके सब जातीसबके जाँचैले अइ सन्‍सारमे आबैबला दुख कस्‍टसे हम तोरा बचाइबौ, कथिलेकी तुसब बहुत बात सैहके हमर आग्‍यापालन करनेचिही।

रोमी 5:3

अतबेक नै, हमसब आपन दुख-कस्‍टमे सेहो आनन्‍द मनाबैचियै कथिलेत हमसब जानैचियै कि दुख-कस्‍टसे सहनसिलता उतपन कराबैछै,

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

परकास 13:10

यदि कोनो लोक कैदके लेल छै त ओकरा कैद कैरके ल्‍याजेतै आ कोनो लोकके तरबारसे मारैके छै त उ साँचोके तरबारेसे मारल जेतै। तैल्‍याके परमेस्‍वरके लोकसबमे सहैके सक्‍ती आ बिस्‍बास हेबेपरतै।

परकास 14:12

अकर मतलब परमेस्‍वरके आग्‍यापालन करैबला आ येसुमे बिस्‍बास करैबला परमेस्‍वरके जनसब धिरज करेपरतै।

हिबरु 6:11

यह्‍या हमरासबके इक्‍छाछै कि तोरासबके यि जोस आखिरतक हेबे आ तोरासबके आसा पुरा हेबे।

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

मतीके लिखल सुसमाचार 24:13

महज अन्‍ततक असथिर रहैबला बच्‍याल जेतै।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।

हिबरु 6:15

तब अबराहम धिरज कैरके असियेलै आ परमेस्‍वरके परतिग्‍या करल आसिस पाबल्‍कै।

२ थेसलोनिकी 3:5

तोरासबके हिरदय परमेस्‍वरके परेमके बुझैले आ खिरिस्‍टके जखा सहैबला सक्‍ती परभु देबे।

रोमी 8:25

यदि अपनासब नै देखलहा चिजके आसा करैचियै त, धिरजसे अपनासब ओहै चिजके लेल असियाल रहैचियै।

लुका 8:15

महज हलगर माटीमे परैबला उसब चियै, जे कोइ परमेस्‍वरके बचन सुनैछै आ आग्‍याकारी भ्‍याके मनेमे राखैछै आ दुख सहियोके बहौतरा फल फराइछै।”

रोमी 15:4

पबितर धरमसास्‍तरमे पहिने लिखल बातसब अपनासबके सिक्‍छा दैकेलेल छेलै। धरमसास्‍तरमे भेल बातसे अपनासबके सहैबला सक्‍ति आ हौसला दैछै ताकी अपनासबके आसा बनल रहे।

रोमी 5:4

सहनसिलतासे अपनासबके असल चरितर बनाइछै आ असल चरितरसे आसा उतपन करैछै।

याकुब 1:4

धिरजके पुरा रुपसे काम करैले दहै आ कोनो बातमे नै चुइकके आत्‍मिकी रुपमे परिपक आ सिध हैकेलेल सब किसिमके जाँचसब सहैत अस्‍थिर रहैके सिख।

२ पतरुस 1:6

ग्‍यानमे आत्‍मसंयम, आत्‍मसंयममे धिरज, धिरजमे भक्‍ति,