लुका 21:15 - मध्‍य पुरविया थारू

¹⁵ कथिलेत हम तोरासबके एहेन सब्‍द आ बुधि देबौ, कि तोहर बिरोधीसब तोरासबके बात सुइनके एकोटाके जबाब दैले नै सक्‍तौ, ओकरौरके मुहमे तला लाइग जेतौ।

लुका 21:15 Referans Kwoze

एफिसी 6:19

हमरो खातिर परथना कर। जखुन हम बाजैके लेल आपन मुह खोल्‍बै तखुन परमेस्‍वर हमरा बचन देबे आ हम निडर भ्‍याके सुसमाचारके रहस दोसरके बुझ्‍हाबे सकी।

लुका 12:12

कथिलेत तै बखत तोरासबके कथी बोले परतौ से बात पबितर आत्‍मा तोरासबके सिखाइतौ।”

परेरित 6:10

महज स्‍तिफनसके बोलैत खिना पबितर आत्‍मा अतहेक निक बुइध देल्‍कै कि उसब ओकर सामने नै टिके सक्‍लै।

लुका 24:45

तब येसु ओकरासबके धरमसास्‍तरसब बुझैले समझसक्‍ती खोइल देल्‍कै,

याकुब 1:5

महज तोरौरके बिचमे ककरो-ककरो बुइधके कमी छौ त उ परमेस्‍वरसे माङे आ परमेस्‍वर तोरासबके उदार चितसे परसस्‍त कैरके देतौ।

परेरित 26:28

अगरिपास पावलके कहल्‍कै, “कि अहाँ हमरा थोरबेहेक समयमे खिरिस्‍टियन बनाबैले चाहैचियै?”

परेरित 24:25

जब पावल धरमी भ्‍याके काम करे परतै, आपन मनके बसमे राखे परतै आ आबैबला नियाइके बारेमे बोल्‍लै तब फेलिक्‍स डेरेलै आ कहल्‍कै, “अखुन जो, मौका मिल्‍तौ त हम फेनो तोरा बोलाइबौ।”

परेरित 2:4

तब उ सबगोरे पबितर आत्‍मासे भरलै आ पबितर आत्‍माके सक्‍तिसे उसब आन भसासबमे बोले लाग्‍लै।

लुका 21:16

महज तोरासबके माँ-बाबु आ भाइ-भैयारीसब, कर-कुटुमसब आ साथी-भाइयोसब तोरासबके पकरादेतौ आ तोरेसबमेसे ककरो-ककरो माइरयोदेतौ।