लुका 20:21 - मध्‍य पुरविया थारू

²¹ तब उसब येसुके फसाइले पुछल्‍कै, “गुरु जी, हमसब जानैचियै, अहाँ सहि बात बोलैचियै, असल बात सिखाइचियै आ ककरो पक्‍छपात नै करैचियै, महज अहाँ त सत्‍यतासे परमेस्‍वरके रस्‍ता देखाइचियै।

लुका 20:21 Referans Kwoze

मतीके लिखल सुसमाचार 22:16

उसब आपन कुछ चेलासब आ हेरोद रजाके दलके कुछ लोकसबके येसुलग एहेन कहैले पठेल्‍कै, “हे गुरु जी, हमसब जानैचियै कि अहाँ सत चियै आ परमेस्‍वरके साँचे सत बाट देखाइचियै। लोकसब कथी कहतै तैके कोनो बास्‍ता नै राखैचियै कथिलेकी अहाँ ककरो पक्‍छपात नै करैचियै।

गलाती 1:10

कि हम लोकसबके खुसी करैले चाहैचियै या परमेस्‍वरके? कि हम लोकसबके खुसी करैले चाहैचियै? यदि हम लोकसबके खुसी करने रहतियै त हम खिरिस्‍टके सेबक नै हेतियै।

२ कोरन्‍थी 2:17

हमसब आपन फैदाके लेल परमेस्‍वरके बचन परचार करैबला बेपारी नै चियै। महज हमसब इमान्‍दार भ्‍याके खिरिस्‍टके सेबकके रुपमे परमेस्‍वर हमरासबके देखैछै से बात जाइनके ओकर बचन परचार करैचियै।

युहन्‍ना 3:2

राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

मरकुस 12:14

उसब येसु लग आइबके कहल्‍कै, “गुरु जी, हमसब जानैचियै कि, अहाँ सहि बात बोलैचियै आ ककरो पक्‍छपात नै करैचियै। अहाँ त परमेस्‍वरके सत-सत बात सिखाइचियै। आब हमरासबके कहु, हमसब कैसरके कर तिरबै से उचित छै कि नै?”

गलाती 2:6

उसब मन्‍डलीके मुख अगुवासब मानल गेलोपरभी हमर समादमे कोनो सल्‍लाह नै देल्‍कै। (उसब जतहेक बरका हेबे हमरा ओइसे कोनो फरक नै परतै, कथिलेत परमेस्‍वर ककरो मुह देखके नियाय नै करैछै)।

लुका 20:20

उसब येसुके पकरैले मौका ताके लाग्‍लै आ आपनके धरमी कहाइबला जासुससबके ओकरलग पठाइल्‍कै। येसुके ओकरे कहलहा बातमे ओकरा फसाके रोमी सासकसबके हाथमे फसाइके दाउमे उसब छेलै।

लुका 20:22

आब हमरासबके कहु, हमसब यहुदीके नियम अनुसार रोमी सरकार कैसरके कर तिरबै से उचित छै, कि नै?”