लुका 20:16 - मध्‍य पुरविया थारू

¹⁶ उ आइबके सब बटिदारसबके माइरदेतै आ अङगुर खेत औरो लोकसबके द्‍यादेतौ।” लोकसब यि बात सुइनके कहल्‍कै, “एहेन कहियो नै हेबे!”

लुका 20:16 Referans Kwoze

लुका 19:27

आब हमरा ओइसबके उपर राज करैत नै देखे सकैबला बिरोधीसबके हमरलग आन आ हमरे अगामे मार!’”

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

मतीके लिखल सुसमाचार 21:41

तब मुख पुजारी आ अगुवासब जबाफ देल्‍कै, “मालिक आइबके उ दुस्‍ट बटिदारसबके तरपा-तरपाके माइरदेतै आ जे ओकरा उबजनिके अधिया हिस्‍सा ठिक समयमे देतै ओइ बटिदारके अङगुरके खेत जिम्‍मा देतै।”

मतीके लिखल सुसमाचार 22:7

ओहिसे रजा एकदमसे खिस्‍याके आपन सैनिकसबके पठेल्‍कै आ जानसे नोकरसबके मारैबलासबके मारैले लगेल्‍कै आ ओइसबके सहर डहाइले लगेल्‍कै।

मतीके लिखल सुसमाचार 21:34

जब अङगुर पाकैके समय एलै तब अङगुर लैले उ आपन नोकरसबके बटिदारसब लग पठाइल्‍कै।

मरकुस 12:9

तब येसु पुछल्‍कै, “आब अङगुर खेतके मालिक ओइसबके कथी करतै? उ आइबके बटिदारसबके माइरदेतै आ अङगुर खेत दोसर लोकसबके ददेतै।

लुका 20:15

उ बटिदारसब ओकरा अङगुर खेतसे घिस्‍याइते बाहर निकालके माइरदेल्‍कै।” तब येसु पुछल्‍कै, “आब अङगुर खेतके मालिक ओइसबके कथी करतै?

रोमी 3:4

पक्‍का पुरा करतै, सब लोक आपन बचन पुरा नै करतै तैयो परमेस्‍वर आपन बचनके पुरा करतै। जनङ पबितर धरमसास्‍तरमे लिखल छै, “बोलि-बचनमे अहाँ ठिक ठहरलचियै, नियाय हेतै त अहाँके जित हेतै।”

रोमी 3:6

नै, परमेस्‍वरके दन्‍ड दैबला काम कोनो हालतमे गल्‍ती नै चियै। यदि परमेस्‍वर ठिकसे नियाय नै करतै त उ कनङके सन्‍सारके लोकसबके नियाय करतै?

रोमी 3:31

तब कि अपनासबके अहै बिस्‍बास दुवारा बेबस्‍थाके बेरथ कैरदेबै? कदापी नै! बरु हमसब बेबस्‍थाके साँचोके मानैचियै।

रोमी 6:2

अहँ, ओनङ करनाइ ठिक नै छै। पापेके खातिर अपनासब मरल चियै, तब कनङके पाप करैत जियैले सक्‍बै?

रोमी 6:15

माइनले हमसब बेबस्‍थाके अधिनमे नै चियै, महज परमेस्‍वरके अनुगरहके अधिनमे चियै त, कि पाप करबै? कदापी नै।

रोमी 7:7

ओनङ चियै त हमसब आब कथि कहबै? कि बेबस्‍था पाप चियै त? ओनङ नै चियै। बेबस्‍था नै रहतियै त पाप कथि चियै से हम थाहे नै पाबतियै, कथिलेत “तु लोभ नै कर” कैहके बेबस्‍था नै कहने रहतियै त लोभ नै करैके हैछै कैहके हम थाहे नै पाबतियै।

रोमी 7:13

कि असल बेबस्‍था हमरा मिरतुदन्‍ड देल्‍कै त? पक्‍का नै! पापे त असल बेबस्‍थाके हथियार बनाके हमरा मिरतुदन्‍ड देल्‍कै। तैल्‍याके पाप बेबस्‍था दुवारा साँचेके घिनलागैबला पाप छै कैहके देखाइछै।

रोमी 9:14

परमेस्‍वरके करल कामसबके बिसयमे अपनासब कथि कहबै त? कि परमेस्‍वर अनियायी छै? बिलकुल नै!

रोमी 11:1

ओहैसे आब हम तोरासबके कहैचियौ, “कि परमेस्‍वर आपनेसे छानल इजराएलीसबके त्‍यागने छै त?” कहियो नै! कथिलेत हम्‍हु एक इजराएली आ अबराहमके बंसमे जलमल बेन्‍यामिन कुलके चियै।

रोमी 11:11

तैल्‍याके हम तोरासबके पुछैचियौ, “कि इजराएलीसब ठेस लाइगके फेनसे उठैले नै सकैबला भेलछै से?” नै! उसब बिस्‍बास नै करलासे गैर-यहुदीसब मुक्‍ती पाबल्‍कै। यि देखके इजराएलीसब डाह करे कैहके परमेस्‍वरके इक्‍छा छेलै।

१ कोरन्‍थी 6:15

तोरासबके देह खिरिस्‍टके अङ्‍गसब चियौ कैहके कि तोरासबके थाह नै छौ? कि हम खिरिस्‍टके अङ्‍गसब ल्‍याके बेस्‍यासबके अङ्‍ग बनाइबै? एहेन कहियो नै हेबे!

गलाती 2:17

यदि खिरिस्‍टमे धरमी ठहरैले कोसिस करैतखिना हमसब दोसी भेटाइबै त, कि खिरिस्‍ट पापके बढावा दैछै त? कदापी नै।

गलाती 3:21

तब कि बेबस्‍था परमेस्‍वरके परतिग्‍याके बिरोधमे छै त? कदापी नै। यदि बेबस्‍था पालन कैरके लोकसब अनन्‍त जिबन पाबैले सक्‍तियै त, बेबस्‍थे लोकसबके परमेस्‍वरके अगा धरमी ठहराइतियै।

गलाती 6:14

अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।