लुका 2:37 - मध्‍य पुरविया थारू

³⁷ तब बिधुवे रैहके चौरासी बरिस बिताइने रहै। उ परमेस्‍वरके मन्‍दिरेमे उपास आ परथना कैरके रातदिन भक्‍तीसाथ परमेस्‍वरके सेबा करैतरहै।

लुका 2:37 Referans Kwoze

१ तिमोथी 5:5

जै मसोमातनीके देखभाल करैबला कोइ नै छै, से मसोमातनी त आपन भरोसा परमेस्‍वरमे राखने रहैछै। उ दिन रात परमेस्‍वरमे बिन्‍तीभाव करैत रहैछै।

परेरित 14:23

जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

परेरित 13:3

तब उपासे रैहके आ परथना कैरके उसब ओकरौरके उपर हाथ राइखके परथना कैरके पठादेल्‍कै।

परेरित 26:7

ओह्‍या बचन पुरा हेबे तै आसमे हमरासबके बारहो कुल पुरे मनसे दिन रात भक्‍ति करैत आइबरहल छै। हे रजा अगरिपास, हम्‍हु एह्‍या आसा राखलाके कारन यहुदीसब हमरा दोस लगेने छै।

परकास 7:15

अहैकारनसे, उसब परमेस्‍वरके सिंहासनके अगामे छै आ दिन रात परमेस्‍वरके मन्‍दिरमे परमेस्‍वरके सेबा करैछै। सिंहासनमे बिराजमान हैबला आपनेसे परगट हैत ओइसबके सुरक्‍छा करतै।

परकास 3:12

जे जित्‍तै, तकरा हम आपन परमेस्‍वरके मन्‍दिरके एकटा खम्‍हा बनाइबै आ ओतेसे उ कहियो नै बाहर निकल्‍तै। हम ओकरामे परमेस्‍वरके नाम आ हमर परमेस्‍वरके सहरके नाम अरथात स्‍वरगसे निचा आबैबला यरुसलेम लिख्‍बै तब ओइमे हमर आपन लया नाम सेहो लिख्‍बै।’

लुका 5:33

उसब येसुके कहल्‍कै, “बप्‍तिस्‍मा दैबला युहन्‍नाके चेलासब बेर-बेर उपास आ परथना करैछै। फरिसीयोके चेलासब ओहिनङे करैछै, महज अहाँके चेलासब खालि खान-पिन करैये।”