लुका 19:5 - मध्‍य पुरविया थारू

⁵ जब येसु ओइ ठाममे पुग्‍लै, तब उ उपर दिसन ताकैत कहल्‍कै, “ए जक्‍कैया, झटसिना निचा उतर। कथिलेत आइ हमरा तोहर घरमे मेजवानी रहैके छै।”

लुका 19:5 Referans Kwoze

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।

युहन्‍ना 14:23

येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

हिबरु 13:2

परदेसीसबके सेबा-सत्‍कार करैले नै बिसर, कथिलेकी अहिनङ कैरके कोइ कोइ थाहे नै पाइबके स्‍वरगदुतसबके अथिती सत्‍कार करने छै।

युहन्‍ना 1:48

तब नथानेल पुछल्‍कै, “अहाँ हमरा कनङके चिन्‍हलियै?” येसु जबाब देल्‍कै, “फिलिप तोरा बोलाइसे पैहनैये हम तोरा अन्‍जिरके गाछतरमे रहैत खिना देखने छेलियौ।”

एफिसी 3:17

तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

लुका 19:10

कथिलेत मानबके बेटा हरेल्‍हाके ताकैले आ बचाइले एलछै।”

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

लुका 19:2

ओइ सहरमे जक्‍कैया नामके एकटा लोक रहै। उ बटी उठाइबलाके परमुख छेलै आ धनिक छेलै।

लुका 19:4

तै खातिर उ येसुके देखैले अगा दिसन दौरके एकटा कदमके गाछीमे चहरलै। कथिलेत येसु ओहै रस्‍ता हैत जाइ छेलै।

लुका 19:6

जक्‍कैया झटसिना निचा उतैरके एलै आ खुसिसाथ येसुके आपन घरमे स्‍वागत करल्‍कै।