लुका 19:47 - मध्‍य पुरविया थारू

⁴⁷ येसु सबदिन मन्‍दिरमे सिक्‍छा दैछेलै, महज ओतेका परमुख पुजारीसब, धरमगुरुसब आ सासकसब मिलके ओकरा मारैले चाहैछेलै।

लुका 19:47 Referans Kwoze

मरकुस 11:18

तब मुल पुजारीसब आ धरमगुरुसब यि बात सुइनके येसुके कनङके मारल जेतै तकर उपाय सोचे लाग्‍लै। महज उसब ओकरसे डराबैछेलै, कथिलेत लोकसबके पुरा भिर ओकर सिक्‍छा सुइनके अच्‍चम मान्‍ने रहै।

मतीके लिखल सुसमाचार 26:55

तकरबाद येसुके पकरैले ऐल भिरके लोकसबके कहल्‍कै, “कि हम डाकु चियै से सोइचके तुसब हमरा पकरैले तलबार आ लाठी ल्‍याके एलचिही? दिनदिने त हम मन्‍दिरमे सिक्‍छा दैत तोरेसबसङे छेलियौ तखुन हमरा नै पकरलिही।

युहन्‍ना 18:20

तब येसु ओकरा जबाफ देल्‍कै, “हम त सबकोइ सुने कैहके खुलमखुला कहनेचियौ। हम हरदम सभाघरसब आ मन्‍दिरमे आपन सिक्‍छा देलियै, जते यहुदीसब जमा हैछै। हम आपन सिक्‍छा गुप्‍तमे नै देने चियै।

युहन्‍ना 10:39

तब फेनो उसब येसुके पकरैले कोसिस करल्‍कै महज उ ओकरासबके हाथसे निकैलके चैलगेलै।

युहन्‍ना 7:44

ओइसबमेसे कतहेक गोरे ओकरा पकरैले चाहैछेलै, महज कोइ नै ओकर उपरमे हाथ लगाइल्‍कै।

युहन्‍ना 7:19

मोसा तोरासबके बेबस्‍था देल्‍कौ, महज तुसब कोइ नै पालन करैचिही। तोरासब कथिले हमरा मारैले मौका ताकैचिही?”

मरकुस 14:1

निस्‍तार पाबैन आ अखमिरी रोटीके पाबैन हैले दुइ दिन बाकी छेलै। मुल पुजारीसब आ धरमगुरुसब ओकरा कनङ छलसे पकरबै आ मारबै तै दाउमे रहै।

मरकुस 12:12

तैल्‍याके मुख पुजारीसब, सास्‍तरीसब आ अगुवासब येसुके पकरैले ताकैछेलै, कथिलेत यि खिसा हमरेसबके बिरोधमे कैहरहल छै से बुझल्‍कै। महज भिरके लोकसबसे डराबैके कारन ओकरा छोइरके चैलगेलै।

मतीके लिखल सुसमाचार 21:23

जब येसु मन्‍दिरमे सिक्‍छा दैछेलै तब मुल पुजारीसब आ अगुवासब ओकरलग आइबके कहल्‍कै, “कोन अधिकारसे तु यि कामसब करैचिही? यि अधिकार तोरा के देल्‍कौ?”

मरकुस 14:49

दिनदिने त हम मन्‍दिरमे सिक्‍छा दैत तोरेसबसङे छेलियौ महज हमरा पकरैके साहस नै करलिही। महज पबितर धरमसास्‍तरमे लिखल बात पुरा हेबैएपरतै।”

लुका 19:48

तैयो ओइसबके ओकरा मारैके कोनो उपाय नै भेटलै, कथिलेत सब लोकसब ओकर बात खुसिसाथ सुनैछेलै।

लुका 20:19

तब धरमगुरुसब आ मुल पुजारीसब येसुके तखुन्‍ते पकरैले चाहल्‍कै, कथिलेत उसब जानैछेलै कि यि दिस्‍टान्‍त ओहैसबके बिरुधमे कहने रहै। महज उसब लोकसबसे डराबै छेलै।