लुका 19:12 - मध्‍य पुरविया थारू

¹² तब उ कहल्‍कै, “एक गोरे खन्‍दानी लोक रजा बैनके एबै से कैहके कोनो दुरके देसमे गेलै आ आपन देस घुमके एलै।

लुका 19:12 Referans Kwoze

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

लुका 20:9

तब येसु लोकसबके यि खिसा कहल्‍कै, “एकटा लोक अङगुरके खेती करल्‍कै आ उ खेत बटिदारके बटियामे द्‍याके उ अपना बहुतदिनके लेल बिदेस चैलगेलै।

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

१ कोरन्‍थी 15:25

कथिलेत खिरिस्‍ट आपन सब दुस्‍मनसबके आपन टाङके तरमे नै राखैतलिक ओकरा राज करैये परतै।

परेरित 17:31

कथिलेत सन्‍सारके सब लोकसबके नियाइ करैके दिन उ तोइकदेने छै। ओइ दिन परमेस्‍वर आपनेसे छानल लोकसे सन्‍सारके उचित नियाय करतौ। ओइ लोकके नियाइ करैके अधिकार छै से परमान लोकसबके देबेखातिर परमेस्‍वर ओकरा मरलसे जियाइल्‍कै।”

लुका 24:51

आसिरबाद दैतकाल, येसु उसबसे बिदा भेलै आ स्‍वरग दिसन उठ्‍यालगेलै।

मरकुस 16:19

तकरबाद परभु येसु ओइसबसङे बोइल लेलाकेबाद स्‍वरग दिसन उठ्‍यालगेलै आ परमेस्‍वरके देहनाकात बैठलै।

मरकुस 12:1

तब येसु उसबके एकटा खिसा कहल्‍कै, “एकटा लोक अङगुरके खेती करल्‍कै आ चारुकातसे ओकरा घेरल्‍कै। अङगुरके रस जम्‍मा करैके लेल एकटा खाइध खुइनके कोल्‍हु बनाइल्‍कै। ओहैमे एकटा मचानो बनाके अङगुरके बारी बटिदारसबके जिम्‍मा द्‍याके अपने बिदेस चैलगेलै।

मतीके लिखल सुसमाचार 21:38

महज बटिदारसब ओकरा देखैत मातर आपसमे बात करे लाग्‍लै, ‘यि त हकबला चियौ। चल, अपनासब अकरा माइरदहै तब ओकर सब धन-सम्‍पती अपनासबके भ्‍याजेतौ।’

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।