लुका 18:9 - मध्‍य पुरविया थारू

⁹ तब आपनेमे भरोसा करैबला आ दोसरके निच सम्‍झैबला लोकसबके येसु यि खिसा सुनाइल्‍कै,

लुका 18:9 Referans Kwoze

लुका 16:15

तब येसु ओइसबके कहल्‍कै, “लोकसबके अगामे आपनके धरमी देखाइबला तुहिसब चिही, महज परमेस्‍वर तोरासबके हिरदयके बातसब जानैछौ, कथिलेत लोकसबके बिचमे जे बरका कहाइछै, परमेस्‍वरके नजरमे उ सबसे तुच्‍छ हैछै।

रोमी 10:3

कथिलेत परमेस्‍वर लोकसबके आपन अगा धरमी ठहराबैबला तरिकाके उसब जान्‍बे नै करैछेलै, तैल्‍याके उसब धरमी ठहराबैबला तरिकाके असुइकार करल्‍कै। उसब आपने तरिकासे परमेस्‍वरके अगा धरमी ठहरैले ताकल्‍कै।

रोमी 14:10

अनङ छै त तुसब कथिले आपन बिस्‍बासी भाइसबके दोस लगाइचिही? कथिले आपन बिस्‍बासी भाइसबके तुच्‍छ ठानैचिही? कथिलेत अपनासब सबकोइ परमेस्‍वरके नियाय करैबला ठामके अगा खरा हैले परतौ।

लुका 7:39

येसुके नौता दैबला फरिसी यि देखके मनेमन कहेलाग्‍लै, “अगर येसु साच्‍चेके अगमबक्‍ता चियै त छुबैबाली जनिजाइत केहन पापी चियै से जाइनजेतियै।”

रोमी 7:9

एक समय हम बेबस्‍था नै जाइनके आपन हिसाबसे जिबन बिताइ छेलियै, महज बेबस्‍थाके कहल बात बुझलाके बाद हम पाप करिये रहलचियै कैहके थाह पाबलियै आ पापके कारनसे हम मैरगेलियै।

लुका 19:7

यि देखके सब लोकसब गुदुर-फुसुर करे लाग्‍लै, “यि त पापीके घरमे मेजमान बनैले गेलै!”

लुका 18:11

फरिसी ठार भ्‍याके परथना करल्‍कै, ‘हे परमेस्‍वर, हम अहाँके धन्‍यबाद चरहाइचियै कथिलेत हम औरो लोकसब जखा लोभी, पापी, बेबिचारी आ यि बटीयो उठाइबला जखा नै चियै।

परेरित 22:21

महज परभु हमरा कहल्‍कै, ‘तु जो, कथिलेत हम तोरा दुर-दुर गैर-यहुदीसबके बिचमे पठाइबौ।’”

युहन्‍ना 9:34

उसब ओकरा जबाब दैत कहल्‍कै, “तु त एकदमसे आपन पापेमे जलमल चिही आ तु हमरासबके सिखाबैचिही?” तब उसब ओकरा सभाघरसे बाहर निकाइलदेल्‍कै।

युहन्‍ना 9:28

यि बात सुइनके उसब ओकरा गाइर परहैत कहल्‍कै, “तुही ओकर चेला चिही, हमसब त मोसाके चेला चियै।

युहन्‍ना 8:48

यि बातसब सुइनके यहुदी अगुवासब येसुके कहल्‍कै, “तु सामरी चिही आ तोरा भुत लागल छौ। कि हमसब ठिके कहैचियौ नै?”

लुका 15:2

तब फरिसीसब आ धरमगुरुसब गुनगुनावे लाग्‍लै “यि लोक त पापी लोकसबके स्‍वागत करैछै आ ओइसबके सङे-सङे बैठके खान-पिन करैछै।”

लुका 10:29

महज उ धरमगुरु हम्‍ही ठिक चियै देखाइले कहल्‍कै, “तब हमर परोसिया के चियै त?”

रोमी 14:3

जे लोक सब चिज खाइछै, उ सागपात खाइबलासबके घिरना नै करे। तहिनङे सागपात खाइबलासब नै खाइबलाके दोस नै लगाबे। कथिलेत परमेस्‍वर दुनुके सुइकार करने छै।