लुका 15:29 - मध्‍य पुरविया थारू

²⁹ महज उ बाबुके कहल्‍कै, ‘देखु, अतहेक बरिससे हम अहाँके नोकर जखा सेबा कैररहलचियै, अहाँके बात कहियो नै काटने चियै, तैयो हमरा आपन सङि-साथीसब सङे भोज खाइले अहाँ कहियो नै हमरा एकटा पठरुवो तक देलियै।

लुका 15:29 Referans Kwoze

परकास 3:17

हम धनिक चियै आ हमरा कोनो चिजके कमी नै छै कैहके कहैचिही महज तोरा आपने दसा थाहे नै छौ कि तु दुखी, दया लागैबला, गरिब, आन्‍हर आ नाङटे चिही।

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

रोमी 10:3

कथिलेत परमेस्‍वर लोकसबके आपन अगा धरमी ठहराबैबला तरिकाके उसब जान्‍बे नै करैछेलै, तैल्‍याके उसब धरमी ठहराबैबला तरिकाके असुइकार करल्‍कै। उसब आपने तरिकासे परमेस्‍वरके अगा धरमी ठहरैले ताकल्‍कै।

रोमी 7:9

एक समय हम बेबस्‍था नै जाइनके आपन हिसाबसे जिबन बिताइ छेलियै, महज बेबस्‍थाके कहल बात बुझलाके बाद हम पाप करिये रहलचियै कैहके थाह पाबलियै आ पापके कारनसे हम मैरगेलियै।

लुका 19:21

हमरा अहाँसे डर हैये, कथिलेत अहाँ कठोर मनके लोक चियै। जे नै देने चियै सेहे माङैचियै आ जे नै रोपलियै तकरे काटैचियै।’

लुका 18:9

तब आपनेमे भरोसा करैबला आ दोसरके निच सम्‍झैबला लोकसबके येसु यि खिसा सुनाइल्‍कै,

लुका 17:10

तैहनङे तोरासबके अरहयाल सबकाम कैरलेलाके बाद कह, ‘हमसब नालायक नोकर चियौ, हमसब त आपन करतब मातरे पालन करैचियै।’”

लुका 15:7

हम तोरासबके कहैचियौ, अहिनङ पस्‍चाताव नै करैबला निनानब्‍बे धरमात्‍मासबमेसे आपन पाप माइनके पस्‍चाताव करैबला एक गोरे पापीके लेल स्‍वरगमे बेसी खुसी हैछै।”

मतीके लिखल सुसमाचार 20:12

उसब कहेलाग्‍लै, ‘यि पाछे एल्‍हासब एक घन्‍टा मातरे काम करल्‍कै, हमसब त घामे-पसिने मैर-मैरके दिनभैर खटलचियै! महज अहाँ ओहोसबके बराबरे बैन देलियै।’

रोमी 3:27

ओहेन छै त कथिके लेल घमन्‍ड करबै? घमन्‍ड करैबला बाते नै चियै। बेबस्‍था पालन कैरके लोक धरमी नै हैछै, महज खिरिस्‍टमे बिस्‍बास कैरके मातरे धरमी हैछै।

रोमी 3:20

बेबस्‍था पालन कैरके परमेस्‍वरके नजरमे कोइयो नै धरमी ठहरतै कथिलेत लोकसब पापी छै से बात त बेबस्‍थे बताइछै।

लुका 15:28

महज उ खिस्‍याइलै आ अङना भितर जाइयोले नै मानल्‍कै, तब ओकर बाबु बाहर ज्‍याके ओकरा फुस्‍याइले लाग्‍लै।

लुका 15:30

महज अहाँके सम्‍पैत रन्‍डीवाजमे उराइबला बेटा एल त बरका मोटगरहा खसी काइटके भोज करलियै।’