लुका 14:21 - मध्‍य पुरविया थारू

²¹ जब नोकर घुइमके एलै तब सब बातसब मालिकके सुनेल्‍कै। मालिक खिस्‍याके आपन नोकरके कहल्‍कै, ‘सहरके रस्‍ता-पेरा आ गल्‍लीसबमे जो आ गरिबसब, अन्‍हरासब आ लुल्‍हा-नेङरसबके बोल्‍याके आन।’

लुका 14:21 Referans Kwoze

लुका 14:13

महज तुसब भोज करबिही त गरिब, लुल्‍हा-नेङरा आ अन्‍हरासबके बोला।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

मतीके लिखल सुसमाचार 11:5

अन्‍हरासब देखैछै, नेङरासब चलैछै, कोढि-कुस्‍टी लागलसब सुध हैछै, बैहरासब सुनैछै, मरलसब जिजाइछै आ दुखी गरिबसबके सुसमाचार सुनाइछै।

युहन्‍ना 9:39

तब येसु कहल्‍कै, “नै देखैबलासब देखे आ देखैबलासब अन्‍हर हेबे कैहके हम सन्‍सारमे नियाइ करैले एलचियै।”

लुका 14:24

कथिलेत कोनो नौतहारीसब हमर भोजके सबाद चाखे नै पाबतै।’”

हिबरु 2:3

आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।

परकास 22:17

पबितर आत्‍मा आ कनिया कहैछै, “आबु!” जे लोक सुनैछै, उहो लोक कहे कि, “आबु।” जे पियासल छै, उ आबे आ जकरा इक्‍छा लागैछै उ जिबनके पानी मङनिएमे पिबे!

परकास 19:15

जाती-जातीके लोकसबके नास करैले ओकर मुहसे धारबला तलबार निकलल छेलै। उ ओइसबके लोहाके डन्‍टासे सासन करतै आ कोल्‍हुमे अङगुरके रस निकालल जखा सरबसक्‍तिमान परमेस्‍वरके करोध ओइसबके गुन्‍डीमिसान करतै।

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

लुका 24:47

तब यरुसलेमसे सुरु कैरके सब जातीसबके ओकर नाममे पस्‍चाताव आ पाप छमाके परचार हैलेपरतै।

मतीके लिखल सुसमाचार 11:28

“हे सब थाकल आ बोझसे दाबल लोकसब, हमरलग या, हम तोरासबके बिसराम देबौ।

लुका 9:10

तकरबाद येसुके पठेल्‍हा चेलासब घुइमके एलै आ उसबके करल सब कामसब सुनाइल्‍कै। तब येसु चुपचाप चेलासबके लके बेथसेदा सहरमे गेलै।

मतीके लिखल सुसमाचार 18:31

“जब ओकरसङे काम करैबला सङी नोकरसब यि देखल्‍कै तब उसब एकदम दुखित भेलै। उसब ज्‍याके यि सब घटना आपन मालिकके कैहदेल्‍कै।

मतीके लिखल सुसमाचार 15:12

तकरबाद ओकर चेलासब लगमे आइबके कहल्‍कै, “कि अहाँके थाह भेल? अहाँके कहल बातके कारन फरिसीसब खिस्‍यालछै।”

लुका 14:20

आ तेसर लोक कहल्‍कै, ‘हम भरखरे बियाह करनेचियै। तैल्‍याके हम जाय नै सक्‍बै।’

लुका 14:22

“तब नोकर कहल्‍कै, ‘मालिक अहाँके अरहयाल बमोजिम करलियै, तैयो औरो ठामसब खालिये छै।’

मतीके लिखल सुसमाचार 20:7

उसब जबाब देल्‍कै, ‘हमरासबके अखुनतक कोइ नै बारीमे काम करैके लेल अरहाइल्‍कै।’ उ गिरहत ओइसबके कहल्‍कै, ‘तुहुसब हमर अङगुर बारीमे ज्‍याके काम कर।’