लुका 13:33 - मध्‍य पुरविया थारू

³³ महज आइ, बिहान आ परसु हम आपन रस्‍तामे अगा बरहे परतै कथिलेत यरुसलेमके बाहर कोनो अगमबक्‍तासबके मारैले नै हैछै।

लुका 13:33 Referans Kwoze

लुका 9:53

महज उ यरुसलेम दिसन जाइछै से बात थाह पाइबके सामरीसब स्‍वागत नै करल्‍कै।

मतीके लिखल सुसमाचार 21:11

अगा-पछा चलैबला भिरके लोकसब ओइसबके जबाफ देल्‍कै, “यि त गालिल परदेसके नासरतसे एल अगमबक्‍ता येसु चियै।”

परेरित 13:27

महज यरुसलेमके बासि आ ओकरौरके सासकसब मुक्‍तीदाता येसुके नै चिन्‍हल्‍कै। अगमबक्‍तासबके धरमसास्‍तरमे लिखल बात हरेक बिसराम दिनमे उसब परहल्‍कै तैयो उसब नै बुझल्‍कै आ ओकरा मिरतुदन्‍ड द्‍याके उ बचन पुरा करल्‍कै।

मतीके लिखल सुसमाचार 20:18

“देख, अपनासब यरुसलेम दिसन ज्‍यारहल चियै। ओते मानब पुतर मुख पुजारीसब आ धरमगुरुसबके हाथमे सौपल जेतै आ उसब ओकरा मिरतुदन्‍डके जोकर ठहराइतै।

युहन्‍ना 11:54

तैखातिर येसु फेनो यहुदीसबके बिचमे खुलमखुला नै चलेलाग्‍लै, महज उजार जगहके नजदिकमे रहल एफराइम नाउके सहरमे गेलै आ आपन चेलासबसङे ओतै रहेलाग्‍लै।

युहन्‍ना 9:4

हमरा पठाइबलाके कामसब अपनासबके दिन रहिते करे परतौ, कथिलेत रातके अन्‍हारमे कोइ नै काम करे सकैछै।

युहन्‍ना 4:34

येसु ओइसबके कहल्‍कै, “हमर खाइबला चिज यि चियै, जे हम आपन पठाबैबलाके इक्‍छा बमोजिम करनाइ आ ओकर काम पुरा करनाइ चियै।

परेरित 10:38

कनङ परमेस्‍वर नासरतके येसुके पबितर आत्‍मा आ सक्‍ती बिसेस रुपमे ओकरा देल्‍कै। उ कनङ भलाइके काम करैत गेलै, दियाबलसके सताबटमे परलहासबके निक करैत गेलै, कथिलेकी परमेस्‍वर ओकरसङे छेलै।

युहन्‍ना 12:35

तब येसु ओइसबके कहल्‍कै, “औरो कुछ समयतलिक इजोत तोरासबसङे छौ। इजोत रैहते तुसब चलफिर कर, नै त अन्‍हार तोरासबके झाइपदेतौ। जे अन्‍हारमे चलैछै, उ कते ज्‍यारहल छै से उ नै जानैछै।

युहन्‍ना 11:9

तब येसु जबाफदैत कहल्‍कै, “दिनमे बारह घन्‍टा नै हैछै से? दिनमे चलैबला लोकके ठेस नै लागैछै, कथिलेत उ अइ सन्‍सारके इजोतमे देखैछै।