लुका 12:4 - मध्‍य पुरविया थारू

⁴ येसु फेनो कहल्‍कै, “हे हमर साथीसब हम तोरासबके कहैचियौ, ओइसबसे नै डेरा जे देहके मातर मारैछै, तकरबाद उ कुछ नै करे सकैछै।

लुका 12:4 Referans Kwoze

मतीके लिखल सुसमाचार 10:28

ओइसबसे नै डेरा जे देहके मातरे मारैछै, महज आत्‍माके नै मारे सकैछै। बरु ओकरेसङे डेरा जे आत्‍मा आ देह दुनुके नास कैरके नरकमे फेकैके सक्‍ती छै।

परकास 2:10

तोरा जे कस्‍ट परेबलाछौ ओइसे नै डरा। तोहर बिस्‍बास जाँचके लेल सैतान तोरासबमेसे कतेक लोकके जहलमे ढोकतौ। अहिनङ कैरके तोरासबके दस दिनतक कस्‍ट सहैले परतौ। तु मिरतु तक हमरमे बिस्‍बास करैले नै छोर। तब हम तोरा जिबनके मुकुट देबौ।’

फिलिप्‍पी 1:28

तुसब बिरोध करैबलासबसे नै डरा। यि ओइसबके बिनास हेतै कैहके एकटा चेन्‍हा चियै महज तोरासबके उधार हेतौ जे उधार परमेस्‍वरसे आबैछौ।

१ पतरुस 3:14

यदि असल काम कैरतोपरभी दुख भोगैले परतौ त, तुसब आसिस पाबबिही। तहैलेल लोकके धम्‍कीसे नै डरा, नै त चिन्‍ता कर।

याकुब 2:23

अबराहम परमेस्‍वरमे बिस्‍बास करल्‍कै आ परमेस्‍वर ओकरा धरमी ठहरेल्‍कै कैहके पबितर धरमसास्‍तरमे लिखल बात ओकर करल कामसे पक्‍का साबित करैछै। ओहैसे उ परमेस्‍वरके सङी कहलगेलै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

परेरित 4:13

जब उसब पतरुस आ युहन्‍नाके निडर भ्‍याके बाजैत देखल्‍कै आ यि बुझल्‍कै कि यीसब कम परहल-लिखल आ सधारन लोक चियै से देखके उसब छक परलै। तब उसब येसु सङे रहै से थाह पाबल्‍कै।

युहन्‍ना 15:13

साथि-सङीके लेल आपन परान देनाइसे बरका परेम औरो किछो नै छै।