लुका 12:37 - मध्‍य पुरविया थारू

³⁷ उ नोकरसब धैनके चियै, जब मालिक घर आबैछै त उसबके जागल देखैछै। साच्‍चे हम तोरासबके कहिचियौ, उ आपन डाँर कैसके ओकरासबके खियाइले बैठेतै आ आइबके सेबा करतै।

लुका 12:37 Referans Kwoze

२ पतरुस 3:14

ओहैसे, हे हमर पिरिय सङिसब, ओइ दिनके आसमे रहैतकाल परमेस्‍वरके नजरमे सुध, निरदोस आ सान्‍तीमे रैहके जिबन जियैले कोसिस कर।

मतीके लिखल सुसमाचार 24:42

“अहैलेल तुसब जागल रह, कथिलेकी तुसब नै जानैचिही कि तोरासबके परभु कोन दिन आइबजेतौ।

फिलिप्‍पी 1:23

हम त दोधारमे परल चियै। बरु अइ सन्‍सारसे बिदा भ्‍याके खिरिस्‍टसङे रहैके हमर बरका इक्‍छाछै, कथिलेकी यि एकदम असल बात चियै।

१ कोरन्‍थी 2:9

महज पबितर धरमसास्‍तरमे एहेन लिखलछै, “आँखसे नै देखलहा आ कानसे नै सुनलहा आ लोकके मनमे नै चितेल्‍हा, एह्‍या बात परमेस्‍वर ओकरा परेम करैबलासबके लेल तयार करने छै।”

परकास 14:13

तब स्‍वरगसे हम एकटा एहेन अबाज सुनलियै, “यि बात लिख: आबसे परभुके सेबा करैत-करैत मरैबला लोक धन्‍यके चियै।” पबितर आत्‍मा अनङ जबाफ देल्‍कै, “साँचेके! उसब आपन आपन मेहनतसे आराम पाबतै, कथिलेत उसब आपन करल काम अनुसार इनाम पाबतै।”

२ पतरुस 1:11

तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

लुका 21:36

महज यि सब बातसबसे बचैले आ मानब पुतरके अगामे ठडा हेबे सके तै सक्‍तिके लेल परमेस्‍वरसङे सबघरी जागल रह आ परथना कर।”

परकास 7:17

कथिलेत सिंहासनके बिचमे रहैबला थुमा ओकरासबके चरबाहा हेतै, ओकरासबके डोरियाइत जिबनके पानीके मुलमे लजेतै आ परमेस्‍वर ओकरासबके आँखके सब लोर पोइछदेतै।”

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’

फिलिप्‍पी 1:21

कथिलेकी हमर जिबन जियैके मतलब खिरिस्‍टके लेल जिनाइ चियै महज मरनाइ हमर लेल लाभ चियै।

लुका 17:8

नै, बरु उ त ओकरा कहतै, ‘हमर लेल खाना तैयार कर, डाँर कस आ जाबेतक हमरा ख्‍याल-पियल नै हेतौ ताबेतक हमर सेबा टहल कर। तकरबाद तु खाइहे।’

लुका 12:43

उ मुखिया धैनके हेतै, जब ओकर मालिक एतै तब ओकरा ओहिनङ काम करैत देखतै।

लुका 12:36

तुसब ओइ नोकरसब जखा हो। मालिक बियाह भोजसे आइबके केबार ढकढकाइते मातर खोइल दैछै।

लुका 22:27

आब हमरा कह बरका के चियै? खाइले बैठल मालिक कि खाइले दैबला नोकर? कि खाइले बैठल मालिक नै चियै? महज हम त तोरौरके बिचमे एकटा नोकर नहाइत चियौ।

परकास 16:15

“देख, हम चोर जखा अनचेकेमे एबौ। उ लोक धैनके चियै, जे जागल रहैछै आ आपन बस्‍तरके जोग्‍याके राखैछै। उ लोकके नाङटे चले नै परतै आ लोकसबके बिचमे लाजमे नै परतै!”