लुका 12:32 - मध्‍य पुरविया थारू

³² ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

लुका 12:32 Referans Kwoze

हिबरु 12:28

अहै खातिर हिलाबैले नै सकैबला राज पाबलाके कारन अपनासब परमेस्‍वरके धन्‍यबाद दहै। ओकरा मनपरैबला किसीमके भक्‍ती आ आदरकेसाथ ओकर आराधना करु।

परकास 1:6

उ अपनासबके राज अरथात आपन परमेस्‍वर आ पिताके सेबा करैके लेल पुजारी बनाइनेछै। येसु खिरिस्‍टके महिमा आ सक्‍ती सबदिन रहे। आमेन!

फिलिप्‍पी 2:13

कथिलेकी परमेस्‍वर तोरासबमे सबदिन काम कैरते आबैछौ। उ तोरासबके ओकर असल उदेसके काम पुरा करैके मन आ सक्‍ती दुनु देतौ।

लुका 10:21

तहै बखत येसु पबितर आत्‍मामे खुसीसे भैरके कहल्‍कै, “हे परमेस्‍वर पिता, स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत अहाँ यि बातसब बुधिमान आ समझदारसे घोसाइरके राखल बात छोट बच्‍चासबमे परगट करलियै, कथिलेत पिता, अहिनङ करैले अहाँके इक्‍छा लागल।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

२ थेसलोनिकी 1:11

अहै खातिर तोरासबके लेल हमसब लगातार परथना करैचियौ, जे अपनासबके परमेस्‍वर तोरासबके आपन बोलाबाके योग्‍यके बनाबे आ ओकर सब असल कामसब आ बिस्‍बासके काम ओकर सक्‍तीसे पुरा कैर देबे।

२ पतरुस 1:11

तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।

मतीके लिखल सुसमाचार 14:27

तब तुरन्‍ते येसु ओइसबके कहल्‍कै, “नै डरा, हम्‍ही चियौ, साहस कर।”

परकास 22:5

ओते कहियो रात नै हेतै, ओते दिया या रौदके जरुरत नै परतै कथिलेत परभु परमेस्‍वरे ओइसबके लेल इजोत हेतै आ उसब सबदिन राज करतै।

२ थेसलोनिकी 1:5

परमेस्‍वरके धारमिक इन्‍साफके परमान यह्‍या चियै कि तुसब परमेस्‍वरके राजमे जाइके योग्‍य बन। तुसब ओहै राजके खातिर दुख सहैचिही।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

युहन्‍ना 18:36

तब येसु जबाफ देल्‍कै, “हमर राज यि सन्‍सारके नै चियै। हमर राज यि सन्‍सारके रहतियै त हमरा पछुवाइबला हमर लेल लराइ करतियै आ हम यहुदीसबके हाथमे नै परतियै। महज हमर राज यि सन्‍सारके नै चियै।”

मतीके लिखल सुसमाचार 20:16

तब येसु बातके ओराइत कहल्‍कै, “अहिनङे जे पछा छै, से अगा हेतै आ जे अगा छै से पछा हेतै।”

मतीके लिखल सुसमाचार 7:15

“झुठा अगमबक्‍तासबसे होसियार रह, जे तोरासबके बिचमे भेंराके भेसमे आबैछौ, महज भितरसे उसब भुख्‍याल नरहिया जखा हैछै।

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

परेरित 20:29

हम जानैचियौ कि, हम चैलगेलाके बाद तोरौरके बिचमे जङली नरहियासब एतौ आ जेरके बाकी नै राख्‍तौ।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।