2 झापल एहेन कोनो बात नै छै, जे उघारल नै जेतै, घोसारल कोनो बात नै छै, जे थाह नै हेतै।
कोनोभी चिज घोसाइरके राखैले नै सकैछै, जे उसब परगट नै हैछै, तब कोनो चिज झापल नै छै जे इजोतमे नै आनैछै।
तैहनङे कोनो बात घोसाइरके राखैले नै सकैछै जे सब नै देखाइछै। तब कोनो बात घोसरल नै रहैछै जे थाह नै हैछै आ अस्पस्ट नै हैछै।
कथिलेकी हम सबगोरा खिरिस्टके नियाय आसनके सामने खरा हैलेपरतै। ताकी हमसब अइ देहमे करल असल या खराब काम अनुसारके परतिफल पाब्बै।
तैखातिर परभु नै आबैतक ककरो दोस नै लगा। आब अन्हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्वरसे आपन परसन्सा पाबतै।
यि बातसब ओइ दिन हेतै जै दिन परमेस्वर हमर करल सुसमाचार परचार अनुसार येसु खिरिस्ट दुवारा लोकसबके हिरदयमे रहल गुप्त बातसबके नियाय करतै।