लुका 11:41 - मध्‍य पुरविया थारू

⁴¹ महज भितरोमे राखल चिजसब गरिबसबके दान दहै, तब तोरासबके खातिर सबचिज सुध हेतौ।

लुका 11:41 Referans Kwoze

लुका 12:33

तुसब आपन धन बेचके गरिबसबके दहै। आपन खातिर कहियो नै फाटैबला बटुवा तैयार कर। तहिनङे कहियो नास नै हैबला धन स्‍वरगमे जमा कर। जते चोर नै एतौ आ नै किरो लागतौ।

याकुब 1:27

परमेस्‍वर पिताके मनपरैबला साँचोके धरम-करम एह्‍या चियै दुखमे परल बिधुवा आ टुगर-टापरसबके देखभाल करनाइ आ सन्‍सारके अधलाह बातसे अलग रहनाइ चियै।

तितस 1:15

सुध मन भेल लोकसबके लेल सब चिज सुध रहैछै। महज पतित आ अबिस्‍बासीसबके लेल कोनोभी चिज सुध नै रहैछै, कथिलेकी ओइसबके मन आ सोचबिचार असुध रहैछै।

हिबरु 13:16

एक दोसरके भलाइ करैले आ आपनसङे भेल चिज बाटचुट करैले नै भुल, कथिलेत अहिनङे बलीसबमे परमेस्‍वर परसन्‍न हैछै।

परेरित 10:15

ओहिनङे अबाज फेनो उ दोसर बेर सुनल्‍कै, “जै चिजके परमेस्‍वर सुध करने छै ओकरा तु असुध नै कहै।”

लुका 16:9

हम तोरासबके कहैचियौ, आपन खातिर दुनियाके धनसे सङीसाथी बना, जब उ धन ओराइतौ, तब उसब तोरासबके स्‍वरगमे स्‍वागत करतौ।”

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

२ कोरन्‍थी 8:12

यदि तोरासबके दैके इक्‍छा छौ त, तोरासबसङे जे छौ, ओहैमेसे देल परमेस्‍वर सुइकार करैछै, महज तोरासबसङे नै भेल चिज परमेस्‍वर नै माङैछै।

लुका 19:8

जक्‍कैया परभुके अगा ठार भ्‍याके कहल्‍कै, “देखु, परभु हम आब आपन सब धन-सम्‍पतीके अधा हिस्‍सा गरिबसबके बाइट देबै आ ककरोसे ठैक फुस्‍याके कुछो लेने हेबै त हम ओकर चौबर फिरता कैरदेबै।”

लुका 18:22

यि बात सुइनके येसु ओकरा कहल्‍कै, “तोहरमे एकटा औरो चिजके कमि छौ। तोहर सङे भेल्‍हा सब धन-समपैत बेचके गरिबसबके बाइट दहै, तब स्‍वरगमे तोरा बहुत धन हेतौ आ हमर पछा लाग।”

मतीके लिखल सुसमाचार 5:42

कोइ तोहरसे कुछो माङेछौ त ओकरा दहै, तोहर सङे कोइ पैचा माङैछौ त ओकरा दैले इन्‍कार नै कर।

एफिसी 4:28

जे चोराबैछै आबसे उ चोरी नै करे। बरु मेहनत कैरके आपने हाथसे कमाबे आ अभाबमे परलहासबके मदत करैले सके।

परेरित 11:29

तब अगाबसके भबिसबानी सुइनके परभुके बिस्‍बासीसब यहुदिया इलाकामे रहैबलासबके मदत करैके खातिर उसब जतहेक सक्‍तै ततहेक भेटी पठाइले बिचार करल्‍कै।

मतीके लिखल सुसमाचार 26:11

कथिलेत गरिबसब सबदिन तोरेसबसङे रहतौ, महज हम त सबदिन नै रहबौ।

परेरित 24:17

“बहुत बरिस बितलाकेबाद हम आपन जातीके भाइ-भैयारीसबके दान आ परमेस्‍वरके भेटी चरहाबैके लेल यरुसलेम एल छेलियै।

मरकुस 7:19

उ त ओकर हिरदयमे नै महज पेटमे ज्‍याके बाहर निकैल जाइछै।” (अहिनङे येसु सब खाइबला खानाके सुध चियै कैहके समझेल्‍कै।)