लुका 11:19 - मध्‍य पुरविया थारू

¹⁹ यदी हम बालजिबुलके सक्‍तिसे भुतसब भगाइचियै त, तोहर चेलासब ककर सक्‍तिसे भगाइछौ? ओहेसब तोरासबके नियाय करतौ।

लुका 11:19 Referans Kwoze

लुका 9:49

तब युहन्‍ना कहल्‍कै, “गुरु जी, एकटा लोक अहाँके नामसे भुतसब निकालैत देखलियै। हमसब ओकरासबके कोसिसो करलियै, कथिलेत उ हमरासबसङे अहाँके कहल नै मानल्‍कै।”

रोमी 3:19

बेबस्‍थाके बात त बेबस्‍थाके अधिनमे रहैबला लोकसबके लेल चियै कैहके हमरासबके थाहछै। ओहैसे परमेस्‍वर सन्‍सारके नियाय करैतखिना हम पाप नै करनेचियै कैहके बहाना बनाबे नै सक्‍तै।

लुका 19:22

तब उ रजा ओइ नोकरके कहल्‍कै, ‘ऐ ठक नोकर! आब हम तोरे मुहके बातसे हम तोहर इन्‍साफ करबौ। जे नै देनेचियौ से माङबौ आ जे नै रोपने चियै ओकरे काटैबला हम कठोर मनके लोक चियै से बात तु सोच्‍ने छेल्‍ही।

मतीके लिखल सुसमाचार 4:24

अहिनङे ओकर कामके चरचा पुरे सिरिया परदेसमे फैलगेलै। हरेक परकारके रोग-बिमारसे सत्‍याल, भुत लागल, मिरगी लागल आ लकबा मारल लोकसबके येसु लग आनल्‍कै आ येसु ओइसबके निक करल्‍कै।

मतीके लिखल सुसमाचार 10:25

तै खातिर चेला आपन गुरु जखा आ नोकर आपन मालिक जखा भेनाइ बहुत चियै। यदी उसब घरेके मालिकके बालजिबुल कहैछै त ओकर खानदानके औरो कि-कि नै कहतै!

परेरित 19:13

महज कुछ अने-ओने घुमफिर करैबला यहुदी झार-फुक करैबलासब भुत-आत्‍मा लागलसबके परभु येसुके नाम लैत एहेन कहै, “पावलके परचार करल येसुके नाममे हम तोरा आग्‍या करैचियौ।”