लुका 10:42 - मध्‍य पुरविया थारू

⁴² महज एकेटा बातके जरुरी छै, जे मरियम छान्‍नेछै। जे ओकरसे कोइ नै छिने सक्‍तै।”

लुका 10:42 Referans Kwoze

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

लुका 18:22

यि बात सुइनके येसु ओकरा कहल्‍कै, “तोहरमे एकटा औरो चिजके कमि छौ। तोहर सङे भेल्‍हा सब धन-समपैत बेचके गरिबसबके बाइट दहै, तब स्‍वरगमे तोरा बहुत धन हेतौ आ हमर पछा लाग।”

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

मरकुस 8:36

कथिलेत सरा सन्‍सार हथियाके आपनेके नास करतै त ओकरा कथी फैदा हेतै?

लुका 8:18

अइ खातिर होसियार रह, सुनल बातसबके ध्‍यान दहै कथिलेत जकरसङे छै, ओकरा औरो देतौ आ जकरसङे नै छै, जे कोइ सङे छै कहके ठानैछै ओकरसे भेल्‍हो छिनलेतौ।”

लुका 12:20

महज परमेस्‍वर ओइ धनिक लोकके कहल्‍कै, ‘हे मुरुख लोक, आइए रातमे तोहर देहसे तोहर परान तोरा छोइरके चैलजेतौ, अतहेक चिजसब तु अपनलेल जे जमा करनेचिही, बिहान यीसब ककर हेतौ?’”

१ कोरन्‍थी 13:3

यदि हम आपन सब धन-सम्‍पैत गरिबसबके बाइट देबै आ आपन देह सेहो जराइले देबै महज हमरमे परेम नै छै त, हमरा किछो फाइदा नै हेतै।

लुका 12:33

तुसब आपन धन बेचके गरिबसबके दहै। आपन खातिर कहियो नै फाटैबला बटुवा तैयार कर। तहिनङे कहियो नास नै हैबला धन स्‍वरगमे जमा कर। जते चोर नै एतौ आ नै किरो लागतौ।

लुका 16:25

महज अबराहम ओकरा कहल्‍कै, ‘बेटा याद कर त, तु आपन जिन्‍गीमे सबचिज असले-असलसे भोग बिलास करलिही महज लाजरस दुखे-दुख काटल्‍कै। आब उ अते सुखमे छै आ तु दुखमे चिही।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

लुका 16:2

तब मालिक ओइ मुन्‍सीके बोल्‍याके कहल्‍कै, ‘तोहर बारेमे हम यि कथी सुनैचियौ? तोहर सब कामके हिसाब हमरा बुझ्‍हा। आइके बाद तु हमर मुन्‍सी नै रहबिही।’

लुका 10:39

ओकर बहिनके नाम मरियम छेलै। उ येसुके गोर लग बैठके ओकर बचन सुनैछेलै।

लुका 11:1

एक दिन कोनो एक ठाममे येसु परथना करैतरहै। परथना कैरलेलाके बाद ओकर चेलामेसे एकटा चेला कहल्‍कै, “परभु जी, युहन्‍ना जैहनङ आपन चेलासबके परथना करैले सिखेल्‍कै तैहनङे हमरोऔरके सिखाबु।”

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

युहन्‍ना 11:1

लाजरस नामके एकटा लोक बिमार भेल छेलै। उ आपन बहिन मरियम आ मारथासङे बेथानिया गाममे रहै।

युहन्‍ना 11:19

बहुतो यहुदीसब मारथा आ मरियमके ओकर भाइके बारेमे चितभरोस दैले एलछेलै।

युहन्‍ना 12:3

तब मरियम करिब अधा लिटर बहौत महग अतरके गमकौवा तेल आइनके येसुके टाङमे लग्‍यादेल्‍कै आ आपन केससे पोइछ देल्‍कै। ओइ तेलके गमकसे पुरे घर गमगम करेलाग्‍लै।