लुका 10:40 - मध्‍य पुरविया थारू

⁴⁰ महज मारथा सेबा सत्‍कारके काममे ओझराएल छेलै। मरियम येसुके लगमे आइबके कहल्‍कै, “हे परभु सेबा सत्‍कारके काममे हमर बहिन हमरा असगरे छोरदेनेछै, कि अहाँ नै देखैचियै? ओकरा कैहदियौ आ उ हमरा हाथ बटाबे।”

लुका 10:40 Referans Kwoze

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

लुका 12:29

कथी खेबै, कथी पिबै तकर लेल तुसब खोजि आ चिन्‍ता नै कर।

मतीके लिखल सुसमाचार 16:22

पतरुस यि बात सुइनके ओकरा एक कातमे लज्‍याके हपारैले लाग्‍लै, “हे परभु! परमेस्‍वर एहेन नै हेबे, अहाँ उपर एहेन कहियो नै हेतै।”

मतीके लिखल सुसमाचार 14:15

जब साँझ हेबे लाग्‍लै तब चेलासब आइबके येसुके कहल्‍कै, “यि ठाम बस्‍तीसे बहौत दुर छै आ साँझ परे लाग्‍लै। भिरके बिदाह कैरदिय आ उसब लग-पासके गामसबमे ज्‍याके आपन लेल कुछ खाइबला चिजसब किनके खेतै।”

लुका 9:55

तब येसु घुइमके ओकरासबके खिस्‍याइल्‍कै।

मरकुस 3:21

जब येसुके परिबार यि सुनल्‍कै, तब येसुके लैले उसब निकल्‍लै, कथिलेत ओकर मन आपन ठाममे नै छै कैहके उसब कहैछेलै।

लुका 10:38

येसु आ ओकर चेलासब जाइतकाल एकटा गाममे पुग्‍लै, ओते मारथा नाम भेल एकटा जनी येसुके आपन घरमे स्‍वागत करल्‍कै।

लुका 10:41

महज येसु ओकरा कहल्‍कै, “ए मारथा, तोहे बहुत बातसबसे चिन्‍ता करैचिही आ उदास रहैचिही।

युहन्‍ना 11:1

लाजरस नामके एकटा लोक बिमार भेल छेलै। उ आपन बहिन मरियम आ मारथासङे बेथानिया गाममे रहै।

युहन्‍ना 11:5

येसु मारथा, ओकर बहिन मरियम आ लाजरसके परेम करैछेलै।

युहन्‍ना 12:2

येसु एलाके खुसियालीमे भोजन तैयार करल्‍कै। मारथा सेबा-टहल करेमे लागलछेलै आ लाजरस येसु आ औरो मेजवानसबसङे खाइले बैठल छेलै।