लुका 1:78 - मध्‍य पुरविया थारू

⁷⁸ परमेस्‍वरके दयालु किरपाके कारन, स्‍वरगसे बिहन्‍का मुक्‍तीके इजोत हमरासबके लग पठाइतै।

लुका 1:78 Referans Kwoze

२ पतरुस 1:19

अहै खातिर अगमबक्‍तासबके कहल बचन सत छै से हमसब निसचिन्‍त भ्‍याके बिस्‍बास करैचियै। बिहानके इजोत नै हेबेतलिक आ तोरासबके हिरदयमे भुरुकवा तरा नै उगैतलिक उ बचन अन्‍हारमे बरैबला चिरखा जखा ओइ बचनके धियान देब्‍ही त असल करबिही।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

फिलिप्‍पी 2:1

यदि खिरिस्‍टमे रहलाके कारन तुसब कुछ उत्‍साह पाबनेचिही, या ओकर परेमसे तुसब कुछ सानत्‍वना पाबनेचिही, या पबितर आत्‍माके संगती पाबनेचिही, या एक दोसरसङे परेम आ दया करैचिही त,

एफिसी 5:14

जे असली रुप परकट हैछै उ इजोत चियै। पबितर धरमसास्‍तरमे अनङ लिखलछै, “हे बिभोर निनमे परल लोकसब जाग आ आपन पापके कारनसे मरल नै रह, जिबित हो। तब खिरिस्‍टके इजोत तोरासबमे चमकतौ।”

परकास 22:16

“हम येसु, तोरासबलग मन्‍डलीके लेल यि गबाही दैले आपन स्‍वरगदुतके पठाइने चियौ। हम्‍ही दाउद रजाके कुल, सन्‍तान आ अनगुतके चम्‍कैबला तरा चियौ।”

१ युहन्‍ना 3:17

जे लोकसङे सन्‍सारके धन-सम्‍पैत छै, महज आपन भाइके घटि-कमीमे देखभाल करैले मन कठोर करैछै त वेहन लोक परमेस्‍वरके कनङ परेम करे सक्‍तै?

फिलिप्‍पी 1:8

खिरिस्‍ट येसुवे जखा हम्‍हु तोरासबके परेम करलासे तोरासबके भेटैके एकदम इक्‍छा करनेचियै से परमेस्‍वर जानैछै।

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।