युहन्‍ना 9:16 - मध्‍य पुरविया थारू

¹⁶ कोनो-कोनो फरिसीसब कहल्‍कै, “यि लोक परमेस्‍वर दिसनसे नै एलछै, कथिलेत उ पबितर बिसराम दिनके पालन नै करैछै।” महज दोसर लोकसब कहेलाग्‍लै, “जे पापी हेतै, उ एहेन अचमके चेन्‍हासब कनङके देखाइले सक्‍तै?” अहै बातमे ओइसबके आपनमे मतभेद भ्‍यागेलै।

युहन्‍ना 9:16 Referans Kwoze

युहन्‍ना 10:19

यि बात सुइनके यहुदीसबके बिचमे फेनो मनमोटाब भेलै।

युहन्‍ना 7:43

तैखातिर लोकसबके बिचमे येसुके कारन बेमेल भेलै।

युहन्‍ना 7:12

भिरके बिचमे लोकसब ओकर बारेमे गुदुरफुसुर बतियाइले लाग्‍लै। कोइ “उ निक छै” कहैछेलै त कोइ “उ त लोकसबके बहकाबै छै” कहैछेलै।

युहन्‍ना 3:2

राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

मतीके लिखल सुसमाचार 12:2

यि देखके फरिसीसब येसुके कहल्‍कै, “देखु, अहाँके चेलासब पबितर बिसराम दिनमे जे काम करैले उचित नै छै ओह्‍या काम करैए।”

युहन्‍ना 15:24

हम तोरासबके बिचमे जे काम करने छेलियौ, उ काम औरो दोसर नै करने छै। यदी उ काम हम नै करने रहतियै त, उसब पापके दोसी नै हेतियै। महज हमर करल अजगुत कामसब देखियोके उसब हमरा आ हमर पिता दुनोगोराके घिरना करैछै।

युहन्‍ना 14:11

हम पितामे चियै आ पिता हमरमे छै कैहके बिस्‍बास कर। कम्‍तीमे हमर करल अजगुतके कामसब देखके त बिस्‍बास कर।

युहन्‍ना 9:24

तब यहुदीसब ओइ अन्‍हर लोकके फेनो दोसर बेर बोल्‍याके कहल्‍कै, “परमेस्‍वरके अगा सत-सत बाज, हमसब जानैचियै कि, यि लोक पापी चियै।”

युहन्‍ना 6:52

यि बातसे यहुदीसबके बिचमे बाद-बिबाद हैले लाग्‍लै। उसब कहेलाग्‍लै, “यि लोक अपनासबके कनङके आपन देह खाइले देबेसक्‍तै?”

युहन्‍ना 5:36

“महज युहन्‍नाके देल गबाहीयोसे बरका गबाही हमरलग छै। कथिलेत जे काम पुरा करैके लेल पिता हमरा देने छै, उ काम हम करैचियै आ ओह्‍या कामसब हमर बारेमे गबाही दैछै कि, पिते हमरा पठाइने छै।

परेरित 14:4

महज सहरके लोकसब दुइटा गुटमे बाँटल गेलै। कुछ लोक यहुदी दिसन त कुछ लोक परेरितसब दिसन भेलै।

मतीके लिखल सुसमाचार 12:10

ओते एकटा सुखलहा हाथबला लोक छेलै। तब फरिसीसब येसुके दोस लगाइके बिचारसे ओकरा पुछल्‍कै, “कि बिसरामके दिनमे बिमार लोकसबके निक करनाइ उचित छै?”

लुका 13:14

उ जनी पबितर बिसरामके दिनमे निक भेल देखके यहुदी सभाघरके सासक खिस्‍यागेलै। तब उ लोकसबके कहल्‍कै, “काम करैबला हप्‍ताके छ दिन छै! अइ खातिर छ दिनके भितर आइबके निक हो, महज पबितर बिसरामके दिनमे नै।”

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 5:10

तैखातिर यहुदी अगुवासब निक भेल लोकके कहल्‍कै, “आइके त बिसरामके दिन चियौ, बेबस्‍था अनुसार तोरा बिछौना नै बोकैके चाही।”

युहन्‍ना 7:23

यदि मोसाके देल बेबस्‍था भङ नै हेबे कैहके बिसरामके दिनमे खतना करैचिही त हम बिसरामके दिनमे एकटा लोकके निक करलियौ त कथिले तुसब हमरसे खिस्‍याइचिही?