युहन्‍ना 8:9 - मध्‍य पुरविया थारू

⁹ ओकर यि बात सुइनके पहिने बुढवासबसे ल्‍याके छोटकातक एक-एक कैरके ओतेसे चैलगेलै। अन्‍तमे ओते येसु असगरे रैहगेलै आ उ जनी ओकर अगा ठार भ्‍याल रहलै।

युहन्‍ना 8:9 Referans Kwoze

रोमी 2:15

ओकरासबके हिरदयमे बेबस्‍थाके बातसब लिखलछै कैहके ओकरासबके चालचलनसे देखाबैछै। कथिलेत ओकरासबके बिबेकसे कोनोबेर आपनेके दोख लगाबैछै त कोनोबेर ठिक छै कहैछै।

१ युहन्‍ना 3:20

जब अपनासबके मन आपनेके दोस दैछै, हमसब जानैचियै परमेस्‍वर अपनासबसे महान छै आ उ सब बात जानैछै।

रोमी 2:22

तुसब दोसरसबके बेबिचार नै कर कैहके कहैचिही, महज कथिले तुसब आपने बेबिचार करैचिही? तुसब मुरती पुजाके घिरना करैचिही, महज कथिले तुसब मन्‍दिरके लुटैचिही?

युहन्‍ना 8:10

तब येसु ठार भेलै आ उ जनिके देखैत कहल्‍कै, “हे जनी, उसब कहाँ छौ? कि तोरा कोइ नै दन्‍ड देल्‍कौ?”

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

लुका 13:17

येसुके यि जबाब सुइनके ओकर बिरोधीसब लाजमे परलै। महज ओकर आस्‍चरजके करलाहा काम देखके औरो लोकसब खुसी भेलै।

युहन्‍ना 8:2

बिहान सबेरे येसु फेनो मन्‍दिरमे घुइमके एलै। सबलोक ओकरलग एलै आ उ बैठके ओकरासबके सिक्‍छा दैले लाग्‍लै।

युहन्‍ना 8:3

ओहै समयमे धरमगुरुसब आ फरिसीसब बेबिचारमे पकराउ परल एकटा जनिके आनल्‍कै आ लोकसबके अगामे ठार करल्‍कै।

युहन्‍ना 8:8

येसु फेनो भुइयामे निहुकके औङरीसे लिखे लाग्‍लै।