युहन्‍ना 8:52 - मध्‍य पुरविया थारू

⁵² तखन यहुदी अगुवासब ओकरा कहल्‍कै, “आब त साँचेके हमसब जाइन गेलियै कि, तोरा भुत लागल छौ। अबराहम मरलै आ अगमबक्‍तासब सेहो मरलै, महज तु कहैचिही कि ‘यदी कोनो लोक हमर बचनके पालन करतै त उ कहियो नै मरतै।’

युहन्‍ना 8:52 Referans Kwoze

हिबरु 2:9

महज हमसब येसुके देखैचियै कि परमेस्‍वरके अनुगरहके कारनसे उ सबके लेल मरैले सके कैहके एकछनके लेल स्‍वरगदुतसे ओकरा छोट करल्‍कै। उ अपनासबके लेल मिरतुके दुख भोगल्‍कै, ओहैसे परमेस्‍वर ओकरा महिमा आ आदरके मुकुट पिन्‍हाइल्‍कै।

युहन्‍ना 9:24

तब यहुदीसब ओइ अन्‍हर लोकके फेनो दोसर बेर बोल्‍याके कहल्‍कै, “परमेस्‍वरके अगा सत-सत बाज, हमसब जानैचियै कि, यि लोक पापी चियै।”

युहन्‍ना 8:48

यि बातसब सुइनके यहुदी अगुवासब येसुके कहल्‍कै, “तु सामरी चिही आ तोरा भुत लागल छौ। कि हमसब ठिके कहैचियौ नै?”

हिबरु 11:13

उ सबलोक परमेस्‍वरके परतिग्‍या करल बात नै पाइबके बिस्‍बासेमे मरलै। उसब परमेस्‍वरके परतिग्‍या करल बात दुरेसे देखल्‍कै आ स्‍वागत करल्‍कै, तब उसब अइ पिरथिबीमे आपनेके परदेसी आ परबासी चियै कैहके ठानल्‍कै।

युहन्‍ना 8:51

साँचोके हम तोरासबके कहैचियौ, यदी जे कोइ हमर कहल बचनके पालन करतै त उ कहियो नै मरतै।”

मतीके लिखल सुसमाचार 11:18

“कथिलेत युहन्‍ना लोकसब जखा खाइत पियैत नै एलै, तैयो तुसब ओकरा भुत लागल छै कैहके कहैचिही।

युहन्‍ना 1:19

जखन यहुदी अगुवासब यरुसलेमसे पुजारी आ लेबीके युहन्‍ना लग “तु के चिही?” कैहके पुछैले पठेल्‍कै।

युहन्‍ना 7:20

तब भिरके लोकसब कहल्‍कै, “तोरा त भुत लागल छौ। तोरा के मारैले मौका ताकैछौ?”

युहन्‍ना 8:22

यि बात सुइनके यहुदी अगुवासब एक-दोसरमे कहेलाग्‍लै, “कतौ यि आपने मरे ज्‍यारहल छै कि? अकर कहैके मतलब कथी चियै, ‘जते हम जेबौ, तते तुसब आबे नै सकबिही।’”

युहन्‍ना 8:55

तुसब ओकरा चिन्‍हने नै चिही महज हम ओकरा चिन्‍हने चियै। यदी हम ओकरा नै चिन्‍हैचियै कहबै त हम्‍हु तोरासब जखा झुठा ठहरतियै। महज हम ओकरा चिन्‍हैचियै आ ओकर बचन पालन करैचियै।

युहन्‍ना 14:23

येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

युहन्‍ना 15:20

हम जे बातसब कहलियौ तै बातसबमे गौरसे बिचार कर कि ‘नोकर आपन मालिकसे बरका नै हैछै।’ सन्‍सारके लोकसब हमरा त सतेल्‍कै उसब तोरोसबके सताइतौ। यदी सन्‍सारके लोकसब हमर बात मान्‍तै त, तोरोसबके बात सेहो मान्‍तौ।

युहन्‍ना 17:6

“जे लोकसब अहाँ हमरा सन्‍सारसे देलियै हम ओइ लोकसबके अहाँके बारेमे सब चिज कैह देलियै। उसब अहाँके छेलै आ उसबके अहाँ हमरा देलियै आ उसब अहाँके बचन पालन करने छै।