युहन्‍ना 8:51 - मध्‍य पुरविया थारू

⁵¹ साँचोके हम तोरासबके कहैचियौ, यदी जे कोइ हमर कहल बचनके पालन करतै त उ कहियो नै मरतै।”

युहन्‍ना 8:51 Referans Kwoze

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

युहन्‍ना 15:20

हम जे बातसब कहलियौ तै बातसबमे गौरसे बिचार कर कि ‘नोकर आपन मालिकसे बरका नै हैछै।’ सन्‍सारके लोकसब हमरा त सतेल्‍कै उसब तोरोसबके सताइतौ। यदी सन्‍सारके लोकसब हमर बात मान्‍तै त, तोरोसबके बात सेहो मान्‍तौ।

युहन्‍ना 6:50

महज हम त स्‍वरगसे एल रोटीके बारेमे कहैचियौ, जे कोइ यि रोटी खेतै, से कोइ कहियो नै मरतै।

लुका 2:26

“परमपरभु खिरिस्‍टके जाबेतक नै देखबिही ताबेतक तोहे नै मरबिही” यि बात पहिने पबितर आत्‍मासे थाह भेल छेलै।

हिबरु 11:5

बिस्‍बासके कारन हनोक नै मरलै, परमेस्‍वर ओकरा जिते अइ धरतीसे उठाके स्‍वरग ल्‍यागेलै आ कोइ नै ओकरा फेनसे देखल्‍कै, कथिलेकी परमेस्‍वर ओकरा ल्‍यागेलछेलै। हनोक स्‍वरगमे लजाइसे पहिने उ परमेस्‍वरके मनपरैबला जिबन बिताइने छेलै कैहके पबितर धरमसास्‍तरमे लिखलछै।

युहन्‍ना 8:55

तुसब ओकरा चिन्‍हने नै चिही महज हम ओकरा चिन्‍हने चियै। यदी हम ओकरा नै चिन्‍हैचियै कहबै त हम्‍हु तोरासब जखा झुठा ठहरतियै। महज हम ओकरा चिन्‍हैचियै आ ओकर बचन पालन करैचियै।

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

मतीके लिखल सुसमाचार 16:28

साँचेके, हम तोरासबके कहैचियौ, अते ठार भेलमेसे कतहेक लोकसब जाबेतक मानबके बेटाके आपन राजमे आबैत नै देखतै ताबेतक नै मरतै।”

युहन्‍ना 8:52

तखन यहुदी अगुवासब ओकरा कहल्‍कै, “आब त साँचेके हमसब जाइन गेलियै कि, तोरा भुत लागल छौ। अबराहम मरलै आ अगमबक्‍तासब सेहो मरलै, महज तु कहैचिही कि ‘यदी कोनो लोक हमर बचनके पालन करतै त उ कहियो नै मरतै।’

युहन्‍ना 14:23

येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

युहन्‍ना 17:6

“जे लोकसब अहाँ हमरा सन्‍सारसे देलियै हम ओइ लोकसबके अहाँके बारेमे सब चिज कैह देलियै। उसब अहाँके छेलै आ उसबके अहाँ हमरा देलियै आ उसब अहाँके बचन पालन करने छै।

हिबरु 2:9

महज हमसब येसुके देखैचियै कि परमेस्‍वरके अनुगरहके कारनसे उ सबके लेल मरैले सके कैहके एकछनके लेल स्‍वरगदुतसे ओकरा छोट करल्‍कै। उ अपनासबके लेल मिरतुके दुख भोगल्‍कै, ओहैसे परमेस्‍वर ओकरा महिमा आ आदरके मुकुट पिन्‍हाइल्‍कै।