युहन्‍ना 8:29 - मध्‍य पुरविया थारू

²⁹ जे हमरा पठाइने छै उ हमरे सङे छै। उ हमरा असगरे नै छोरने छै, कथिलेत हम हरदम ओकरा खुसि बनाइबला काम करैचियै।”

युहन्‍ना 8:29 Referans Kwoze

युहन्‍ना 6:38

हमर आपन इक्‍छा नै महज हमरा पठाइबलाके इक्‍छा पुरा करैले हम स्‍वरगसे एलचियै।

युहन्‍ना 16:32

देख! समय आइबरहल छै, हँ, लग चैलएलै, जब तुसब चारुदिसन छिरिया जेब्‍ही। तुसब भाइगके आपन-आपन घर जेब्‍ही महज हमरा असगरे छोइर देब्‍ही। तैयो हम असगरे नै चियै, कथिलेत हमरसङे पिता छै।

युहन्‍ना 4:34

येसु ओइसबके कहल्‍कै, “हमर खाइबला चिज यि चियै, जे हम आपन पठाबैबलाके इक्‍छा बमोजिम करनाइ आ ओकर काम पुरा करनाइ चियै।

युहन्‍ना 15:10

जनङ हम आपन पिताके आग्‍यापालन करनेचियै आ ओकर परेममे रहैचियै, तहिनङे तुहुसब हमर आग्‍यापालन करबिही त हमर परेममे रहबिही।

युहन्‍ना 5:30

“हम आपनेसे कुछो करे नै सकैचियै। हम पितासे जे सुनैचियै, ओह्‍या अनुसार हम नियाइ करैचियै आ हमर नियाइ ठिक छै, कथिलेत हम आपन इक्‍छा नै महज हमरा पठाइबलाके इक्‍छा अनुसार करैचियै।

युहन्‍ना 8:16

यदी हम नियाइ करबो करबै त, हमर करल नियाइ सुइकारे जोकर ठहरतै, कथिलेत हम नियाइ करैबला असगरे नै चियै, महज हमरा पठाइबला पिता हमरसङे छै।

१ युहन्‍ना 2:1

हे हमर दुलरुवा धियापुतासब, तुसब पाप नै करिहे कैहके यि बात तोरासबके खातिर लिखैचियौ। महज कोइ पाप करियोलेतै त अपनासबके दिसनसे पितासङे बिन्‍ती करैबला एक गोरा धरमी येसु खिरिस्‍ट छै।

२ तिमोथी 4:17

तैयो परभु हमरसङे रैहके हमरा सक्‍ती देल्‍कै। तहैले हम गैर-यहुदी लोकसबके परमेस्‍वरके सुसमाचार निकसे सुनाबे सकलियै। अहिनङे परभु हमरा सिंहके मुहसे बचेल्‍कै।

युहन्‍ना 14:31

महज हम पिताके परेम करैचियै से बात सन्‍सारके सबलोक जाने कैहके हम सबकाम ओकरे आग्‍या अनुसार करैचियै। आब उठ आ अपनासब अतेसे चल।”

युहन्‍ना 17:4

अहाँ जे काम करैले हमरा जिमा देनेछेलियै, से काम पुरा कैरके पिरथिबीमे हम अहाँके महिमा करनेचियै।

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

मतीके लिखल सुसमाचार 3:17

तब स्‍वरगसे एहेन एकटा अबाज एलै, “यि हमर दुलरुवा बेटा चियै, अकरसे हम बहौत खुसी चियै।”

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।

हिबरु 7:26

अपनासबके लेल अहिनङे परधान पुजारीके आबसेक्‍ता छै। जे पबितर, निरदोस, सुधछै। परमेस्‍वर ओकरा पापी लोकसबसे छुटियाके सबसे उपर स्‍वरगमे राखल्‍कै।

२ तिमोथी 4:22

परभु तोहर आत्‍मामे बास करैत रहे। तोरासबके उपर परमेस्‍वरके अनुगरह बनल रहे।

मतीके लिखल सुसमाचार 3:15

तब येसु युहन्‍नाके कहल्‍कै, “अखुन अहिनङे हेबे दियौ। कथिलेत अपनासबके खातिर एह्‍या उचित छै जे अहिनङे सब धारमिकताके पुरा करे परतै।” तब युहन्‍ना ओकर बात मानैले राजी भेलै।

१ युहन्‍ना 3:22

तब अपनासब जे माङबिही से सब चिज ओकरेसे पाबबिही कथिलेत अपनासब ओकर आग्‍या मानैचियै आ ओकरा निक लागैबला काम करैचियै।