युहन्‍ना 8:26 - मध्‍य पुरविया थारू

²⁶ तोरासबके बारेमे कहैबला आ नियाइ करैबला बहौत बातसब हमरसङे छै। महज हमरा पठाइबला सत छै आ हम जे ओकरसे सुन्‍ने चियै ओहे बात सन्‍सारके लोकसबके बताइचियै।

युहन्‍ना 8:26 Referans Kwoze

युहन्‍ना 15:15

आबसे हम तोरासबके नोकर नै कहबौ, कथिलेकी मालिक कथी कैररहलछै से नोकर नै जानैछै। महज हम तोरासबके सङी कैहरहल चियौ, कथिलेकी हमर पितासे हम जे सुन्‍ने चियै से सब तोरासबके कैहदेने चियौ।

युहन्‍ना 8:40

महज हम तोरासबके परमेस्‍वरसे सुनल सत बातसब सुनाइचियौ त तुसब हमरा मारैले ताकैचिही। अबराहम त एहेन काम नै करल्‍कै।

युहन्‍ना 17:8

कथिलेत अहाँके देल सिक्‍छा हम ओइसबके देनेचियै आ उसब उ सुइकार करने छै। हम अहाँसे एलचियै कैहके उसब साँचोके बुझनेछै। तब हमरा अहै पठेलियै कैहके उसब बिस्‍बास करने छै।

युहन्‍ना 7:28

येसु मन्‍दिरमे सिखाइबखत, जोरसे कहल्‍कै, “तुसब हमरा चिन्‍हैचिही आ हम कतेसे एलचियौ सेहो तुसब जानैचिही। महज हम आपने मनसे नै एलचियौ। जे हमरा पठाइनेछै, उ सत छै आ ओकरा तोरासब नै चिन्‍हैचिही।

२ कोरन्‍थी 1:18

परमेस्‍वर बिस्‍बासयोग्‍य भेल जखा अपनासबके बोलि सेहो बिस्‍बासयोग्‍य छै। हमसब एके बातमे “हँ” आ एके बातमे “नै” कैहके नै कहैचियै।

युहन्‍ना 16:12

“हमरा तोरासबके कहैबला बातसब त बहौत छै, महज अखुन तुसब नै सहे सकबिही।

युहन्‍ना 7:16

तब येसु उसबके जबाफ देल्‍कै, “हमर देल सिक्‍छा हमर नै चियै, महज ओकर चियै, जे हमरा पठाइल्‍कै।

युहन्‍ना 3:11

साँचोके हम तोरा कहैचियौ, जे बात हमसब जानैचियै, ओह्‍या बात हमसब कहैचियै आ जे बात देखने चियै ओहैके गबाही दैचियै, महज तैयो तुसब हमरासबके गबाहीके सुइकार नै करैचिही।

युहन्‍ना 8:25

उसब येसुके पुछल्‍कै, “अहाँ के चियै त?” येसु जबाफदैत कहल्‍कै, “हम ओह्‍या चियै, जे सुरुवेसे कहैत आइबरहलचियौ।”

युहन्‍ना 8:27

येसु यि बात आपन पिताके बारेमे कैहरहल छेलै से बात उसब नै बुझल्‍कै।

युहन्‍ना 18:20

तब येसु ओकरा जबाफ देल्‍कै, “हम त सबकोइ सुने कैहके खुलमखुला कहनेचियौ। हम हरदम सभाघरसब आ मन्‍दिरमे आपन सिक्‍छा देलियै, जते यहुदीसब जमा हैछै। हम आपन सिक्‍छा गुप्‍तमे नै देने चियै।