युहन्‍ना 7:30 - मध्‍य पुरविया थारू

³⁰ तैखातिर उसब येसुके पकरैले ताकैछेलै, महज कोइ नै ओकर उपरमे हाथ लगाइल्‍कै। कथिलेत ओकर समय अखुन तलिक नै एलछेलै।

युहन्‍ना 7:30 Referans Kwoze

युहन्‍ना 10:39

तब फेनो उसब येसुके पकरैले कोसिस करल्‍कै महज उ ओकरासबके हाथसे निकैलके चैलगेलै।

युहन्‍ना 8:20

येसु यि बात मन्‍दिरमे भेटी चरहाबैबला बाकसके लगमे सिक्‍छा दैतकाल कहने छेलै। तैयो ओकरा कोइने पकरल्‍कै, कथिलेकी ओकर समय नै एलछेलै।

युहन्‍ना 7:6

तब येसु उसबके कहल्‍कै, “हमर लेल अखुनोतक ओते जाइले उचित समय नै एलछै। महज तोरासबके लेल कोनोभी समय उचितछौ।

युहन्‍ना 7:32

जब फरिसीसब भिरमे येसुके बारेमे गुदुरफुसुर करैत सुनल्‍कै, तब मुल पुजारीसब आ फरिसीसब ओकरा पकरैले मन्‍दिरके पहरेदारसबके पठेल्‍कै।

युहन्‍ना 11:57

मुल पुजारीसब आ फरिसीसब येसुके पकरैले ताकैछेलै। तैल्‍याके उसब येसु कते छै थाह भेल्‍हासबके समाद आनैले आग्‍या देनेछेलै।

युहन्‍ना 9:4

हमरा पठाइबलाके कामसब अपनासबके दिन रहिते करे परतौ, कथिलेत रातके अन्‍हारमे कोइ नै काम करे सकैछै।

युहन्‍ना 8:59

यि बात सुइनके उसब येसुके मारैके लेल पथल उठेल्‍कै, महज येसु ओइसबसे घोसैरके मन्‍दिरसे बाहर चैलगेलै।

युहन्‍ना 8:37

हम जानैचियै कि तुसब अबराहमके धियापुतासब चिही तैयो तुसब हमरा मारैले चाहैचिही कथिलेकी हमर बचन तोरासबके हिरदयमे राखैके ठाम नै छौ।

युहन्‍ना 7:19

मोसा तोरासबके बेबस्‍था देल्‍कौ, महज तुसब कोइ नै पालन करैचिही। तोरासब कथिले हमरा मारैले मौका ताकैचिही?”

युहन्‍ना 7:8

तुसब पाबैन मनाइले जो, अखुन अइ पाबैनमे हम नै जेबौ, कथिलेत हमर समय अखुन नै एलछै।”

लुका 22:53

हम सबदिन मन्‍दिरमे तोरेऔरकेसङे छेलियौ। महज हमरा पकरैले तोरौरके साहस नै करलिही। आब तोरौरके काम करैबला समय उहे चियौ आ सैतानके सक्‍ती ऐहनङे राज करतौ।”

लुका 20:19

तब धरमगुरुसब आ मुल पुजारीसब येसुके तखुन्‍ते पकरैले चाहल्‍कै, कथिलेत उसब जानैछेलै कि यि दिस्‍टान्‍त ओहैसबके बिरुधमे कहने रहै। महज उसब लोकसबसे डराबै छेलै।

मरकुस 11:18

तब मुल पुजारीसब आ धरमगुरुसब यि बात सुइनके येसुके कनङके मारल जेतै तकर उपाय सोचे लाग्‍लै। महज उसब ओकरसे डराबैछेलै, कथिलेत लोकसबके पुरा भिर ओकर सिक्‍छा सुइनके अच्‍चम मान्‍ने रहै।

मतीके लिखल सुसमाचार 21:46

तैखातिर उसब ओकरा पकरैले चाहल्‍कै, महज उसब लोकसबसे डराबै छेलै। कथिलेत लोकसब ओकरा एक अगमबक्‍ता चियै कैहके ठानैछेलै।

युहन्‍ना 10:31

यहुदी अगुवासब फेनो येसुके मारैके लेल पथल उठाइल्‍कै।

मतीके लिखल सुसमाचार 12:14

महज फरिसीसब सभाघरसे बाहर निकैलके ओकरा कनङके मारबै कैहके आपनेमे सल्‍लाह करे लाग्‍लै।