युहन्‍ना 6:57 - मध्‍य पुरविया थारू

⁵⁷ जहिनङे हमर पिता हमरा पठेल्‍कै आ हम ओकर कारनसे जिबित चियै, ओहिनङे हमर देह खाइबला हमर कारनसे जिबित रहतै।

युहन्‍ना 6:57 Referans Kwoze

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

युहन्‍ना 5:26

कथिलेत जहिनङे पिता आपनेमे जिबनके मुल चियै, तहिनङे उ आपन बेटोके जिबनके मुल बनाइनेछै,

युहन्‍ना 17:21

हम परथना करैचियै कि उ सबकोइ एक हेबे। हे पिता, जहिनङे अहाँ हमरमे आ हम अहाँमे चियै, तहिनङे ओहोसब अपनासबसङे एक हेबे, ताकि अहाँ हमरा पठाइनेचियै कैहके सन्‍सारके लोकसब बिस्‍बास करे।

१ युहन्‍ना 4:9

परमेस्‍वर अपनासबके एहेन परेम करल्‍कै कि उ आपन एक मातरे बेटाके सन्‍सारमे पठाइल्‍कै, ताकी अपनासब ओकरसे जिबन पाबेसकी।

युहन्‍ना 3:17

परमेस्‍वर त आपन बेटाके सन्‍सारके दोसी ठहराबैके लेल नै महज ओकरसे सन्‍सारके लोकसब बचे कैहके पठेल्‍कै।

१ थेसलोनिकी 1:9

कथिलेकी जब हमसब तोरासबलग एलियौ त तुसब कनङके हमरासबके स्‍वागत कैल्‍ही आ जिबित आ सत परमेस्‍वरके सेबा करैके लेल कनङके मुरतिपुजा करैले छोइरदेल्‍ही से बात त लोकसब आपने कहैछै।

२ कोरन्‍थी 13:4

कथिलेत उ कमजोर भ्‍याके कुरूसमे टाङल गेलै महज परमेस्‍वरके सक्‍तीसे जिबित भेलै। तहिनङे हम्‍हुसब ओकरसङे कमजोर भेलचियै, महज परमेस्‍वरके सक्‍तिसे खिरिस्‍टके लया जिबन अपनासबमे सेहो छै आ उ जिबनके सक्‍ती तोरासबसङे बेबहार करैतखिना देखल जेतै।

१ कोरन्‍थी 15:22

जनङ आदममे सबकोइ मरैछै, तहिनङे खिरिस्‍टमे बिस्‍बास करैबला सबकोइ जिबित हेतै।

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

मतीके लिखल सुसमाचार 16:16

सिमोन पतरुस जबाफ देल्‍कै, “अहाँ त खिरिस्‍ट चियै, जिबित परमेस्‍वरके बेटा।”

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।

युहन्‍ना 6:29

येसु ओइसबके जबाब देल्‍कै, “परमेस्‍वरके काम एह्‍या चियै, जे ओकरा पठाइने छै ओकर उपर बिस्‍बास कर।”

युहन्‍ना 6:38

हमर आपन इक्‍छा नै महज हमरा पठाइबलाके इक्‍छा पुरा करैले हम स्‍वरगसे एलचियै।

१ कोरन्‍थी 15:45

तैखातिर पबितर धरमसास्‍तरमे एहेन लिखल छै, “पहिल्‍का लोक आदम जिबित परानी भेलै।” महज अन्‍तिम आदम अरथात खिरिस्‍ट जिबन दैबला आत्‍मा चियै।