युहन्‍ना 5:44 - मध्‍य पुरविया थारू

⁴⁴ तुसब एक-दोसरसे आदर खोजैचिही, महज परमेस्‍वरसे ल्‍याल आदरके कोनो वस्‍ते नै करैचिही त, तुसब कनङके बिस्‍बास करे सकबिही?

युहन्‍ना 5:44 Referans Kwoze

युहन्‍ना 12:43

कथिलेकी उसब परमेस्‍वरके परसन्‍सासे लोकके परसन्‍सा बेसी मन पराइछेलै।

रोमी 2:29

साँचो यहुदी त हिरदयके भितरसे परमेस्‍वरके अगा सत ठहरैले परतै। तब साँचो खतना त देहके बाहरमे लगाइबला खतना नै महज परमेस्‍वरके आत्‍मा पाइबके हिरदय भितरेसे परिबरतन होनाइ चियै। एहेन लोक, लोकसबसे नै महज परमेस्‍वरसे आदर पाबैछै।

फिलिप्‍पी 2:3

आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

मतीके लिखल सुसमाचार 23:5

सबकाम उ सब देखाबैके लेल मातरे करैछै। उसब आपन हाथमे आ कपारमे बेबस्‍थामे लिखल बातसब जन्‍तरमे राइखके बान्‍हैछै आ आपन बस्‍तरमे लाम-लाम फुदनासब लगाके पिन्‍हैछै।

१ पतरुस 1:7

नास हैबला सोनाके आइगमे खाइरके सुध करल जखा तोरासबके बिस्‍बास ओहौसे मुल्‍यबान छौ। अहै खातिर तोरासबके बिस्‍बास सच ठहरे आ येसु खिरिस्‍ट परगट हैबला दिनमे परसन्‍सा, महिमा आ आदरके योग्‍य बने।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

रोमी 2:10

महज असल काम करैबला हरेक लोकके, आदर, इज्‍जत आ सान्‍ती मिल्‍तै, पहिने यहुदी तब गैर-यहुदीसबके सेहो मिल्‍तै।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

लुका 19:17

तब उ ओकरा कहल्‍कै, ‘चाबस तु हमर असल सेबक चिही, कथिलेत छोट चिजमे बिस्‍बास करलिही। आब तोरा दस सहरसबमे अधिकार देबौ।’

याकुब 2:1

हे हमर भाइ-भैयासब, तुसब महिमासे भरल आपन परभु येसु खिरिस्‍टके बिस्‍बास करैबला लोक भेलाके कारन तुसब ककरो पक्‍छपात नै कर।

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

२ कोरन्‍थी 10:18

कथिलेकी जे आपन तारिफ आपनेसे करैछै, उ कोनो महत्‍वके बात नै चियै, महज जकर तारिफ परभु करैछै उ बहौत मुल्‍यबानके ठानल जाइछै।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

युहन्‍ना 8:43

हमर कहल बात तुसब कथिले नै बुझैचिही? कथिलेकी तुसब हमर कहल बचन सुनैयोले नै चाहैचिही।

युहन्‍ना 3:20

दुस्‍ट काम करैबलासब इजोतके घिरना करैछै आ ओइसबके करल दुस्‍ट कामसब देखलेतै कैहके इजोतमे नै आबैछै।

युहन्‍ना 5:41

“हम लोकसबसे परसन्‍सा नै चाहैचियै,

१ थेसलोनिकी 2:6

हमसब लोकसबसे आदर नै खोजलियै, नै त तोरासबसे आ नै आन गोरासे। हमसब खिरिस्‍टके परेरित भेलाके कारन तुसब हमरासबके आदर कर कैहके कहेसक्‍तीयौ।

१ तिमोथी 1:17

जुगो-जुगके रजा, अमर, देखा नै परैबला एक मातरे परमेस्‍वरके आदर-भाव आ महिमा सबदिन हैते रहे। आमेन।

यहुदा 1:25

अपनासबके परभु येसु खिरिस्‍ट दुवारा, अपनासबके मुक्‍ती दैबला एक मातरे परमेस्‍वरके सब आदर, महिमा, सक्‍ती आ अधिकार जुगो-जुग तलिक हैतरहे। आमेन।