युहन्‍ना 5:39 - मध्‍य पुरविया थारू

³⁹ तुसब यि सोइचके धरमसास्‍तर निकसे परहैचिही कि, ओइमे अनन्‍त जिबन छै, महज एह्‍या धरमसास्‍तर हमर बारेमे गबाही दैछै।

युहन्‍ना 5:39 Referans Kwoze

लुका 24:27

तब येसु ओइसबके मोसाके किताबसब आ सब अगमबक्‍तासबसे सुरु कैरके, धरमसास्‍तरमे आपन बारेमे लिखल सबबातसबके अरथ असलसे खोइलके बुझादेल्‍कै।

लुका 24:44

आ कहल्‍कै, “तोरासबसङे रहैतकाल हमर बोलल्‍हा बचन एहा चियै, अरथात मोसाके बेबस्‍था, अगमबक्‍ताके किताबसब आ भजनसङगरहके किताबमे हमर बारेमे लिखलाहा सबबातसब पुरा हैए परतै।”

परेरित 17:11

ओतेका लोकसब थेसलोनिकेके लोकसबसे खुला बिचारके लोकसब रहै। उसब परमेस्‍वरके सुसमाचार एकदम धियान द्‍याके सुनै। पावलके कहलहा बातसब मिलैछै कि नै मिलैछै कैहके उसब हरेक दिन धरमसास्‍तर पढ़है आ जाँचै।

मतीके लिखल सुसमाचार 22:29

येसु ओइसबके जबाफ देल्‍कै, “तुसब भरममे परलचिही। तुसब पबितर धरमसास्‍तर आ परमेस्‍वरके सक्‍तीके बारेमे नै जानैचिही।

परेरित 13:27

महज यरुसलेमके बासि आ ओकरौरके सासकसब मुक्‍तीदाता येसुके नै चिन्‍हल्‍कै। अगमबक्‍तासबके धरमसास्‍तरमे लिखल बात हरेक बिसराम दिनमे उसब परहल्‍कै तैयो उसब नै बुझल्‍कै आ ओकरा मिरतुदन्‍ड द्‍याके उ बचन पुरा करल्‍कै।

युहन्‍ना 5:46

यदी तुसब मोसाके बिस्‍बास करनेरहतिही त हमरो बिस्‍बास करतिही, कथिलेत उ हमरे बारेमे लिखने छेलै।

रोमी 3:2

हरेक तरहसे फाइदे फाइदा छै। सबसे पहिने परमेस्‍वर आपन बचन यहुदीसबके सौप देल्‍कै।

मरकुस 12:10

तुसब पबितर धरमसास्‍तरमे नै पढनेचिही? ‘जै पथलके घर बनाइबला मिसतिरीसब छाइट देल्‍कै, सेह्‍या जगके मुल खम्‍हा बन्‍लै,

परकास 19:10

तब हम ओकरा आराधना करैले ठेङहुनिया देलियै महज उ हमरा कहल्‍कै, “तु एहेन नै कर। हम त तोहर आ तोहर भाइ-भैयासबसङे येसुके गबाही दैबला परमेस्‍वरके सेबक मातरे चियै। परमेस्‍वरके मातरे आराधना कर। कथिलेत जे कोइ परभु येसु खिरिस्‍टके गबाही दैछै ओकरा परमेस्‍वरसे अगमबक्‍तासबके हौसला दैछै।”

रोमी 1:2

जे सुसमाचार बहुत बरिस पहिने परमेस्‍वर देबै कैहके परतिग्‍या करने छेलै। अकरे बारेमे ओकर अगमबक्‍तासब पबितर धरमसास्‍तरमे लिखने छेलै।

परेरित 26:27

रजा अगरिपास, कि अहाँ अगमबक्‍तासबमे बिस्‍बास करैचियै? हम जानैचियै कि अहाँ पक्‍का बिस्‍बास करैचियै।”

युहन्‍ना 7:52

तब उसब ओकरा जबाफ देल्‍कै, “कि तुहु गालिली चिही? पबितर धरमसास्‍तरमे खोज आ तोरा थाह हेतौ कि, गालिलसे कोनो अगमबक्‍ता नै एतै।”

युहन्‍ना 5:32

महज कोइ दोसर गोरा हमर बारेमे गबाही दैछै आ हम जानैचियै कि, हमर बारेमे उ जे गबाही दैछै उ सत छै।

युहन्‍ना 5:36

“महज युहन्‍नाके देल गबाहीयोसे बरका गबाही हमरलग छै। कथिलेत जे काम पुरा करैके लेल पिता हमरा देने छै, उ काम हम करैचियै आ ओह्‍या कामसब हमर बारेमे गबाही दैछै कि, पिते हमरा पठाइने छै।

लुका 16:31

अबराहम कहल्‍कै, ‘मोसा आ अगमबक्‍ताके पबितर धरमसास्‍तरमे लिखल बातके नै मान्‍तौ आ नै सुन्‍तौ त कोइ मरियो के जि जेतौ त उसब बिस्‍बास नै करतौ।’”

हिबरु 11:16

महज उसब त ओहौसे सुन्‍दर, अरथात एकटा स्‍वरगके देसके इक्‍छा करने छेलै। अहैलेल परमेस्‍वर “हम ओइसबके परमेस्‍वर हेबै” कहैले नै लजाइछै, कथिलेकी ओइसबके लेल एकटा सहर तयार करने छै।

कलस्‍सी 3:16

खिरिस्‍टके बचनसे तोरासबके हिरदय परसस्‍त कैरके भरल रहे। आपन पुरे ग्‍यान-बुइधसे एक दोसरके सिखा आ सल्‍लाह दैबला काम कर। परमेस्‍वरके हिरदयसे धन्‍यबाद दैत भजन, इस्‍तुति-परसन्‍सा आ आत्‍मिक गितसब गाब।

लुका 16:29

महज अबराहम कहल्‍कै, ‘ओकरौरके सङे मोसा आ अगमबक्‍तासबके लिखल पबितर धरमसास्‍तरसब छौ त, ओकरे मानतौ त नै हेतौ!’

युहन्‍ना 1:45

तकरबाद फिलिप नथानेलके भेटके कहल्‍कै, “हमरासबके उ भेटलै जकर बारे धरमसास्‍तरमे मोसाके बेबस्‍था आ अगमबक्‍तासब सेहो लिखने छेलै। उ योसेफके बेटा नासरतके येसु चियै।”

हिबरु 11:35

जनिसब आपन पिरिय मरलहा लोकसबके पुनरुथान दुवारा फेनसे जिबित पाबल्‍कै। कतहेक लोक त मिरतुके बाद औरो असल जिबनके आसमे छुटकरा पाबैसे त बरु मिरतु सहैले रोजल्‍कै।

लुका 24:25

तब येसु ओइसबके कहल्‍कै, “तुसब केहन मुरुख लोकसब चिही, तोरासबके हिरदय अतहेक मोट भ्‍यागेल्‍छौ, कि अगमबक्‍तो सबके कहलहा बातके बिस्‍बास नै करैचिही?

युहन्‍ना 5:40

तैयो तुसब अनन्‍त जिबन पाबैके लेल हमरलग आबैले नै चाहैचिही।

मरकुस 10:3

येसु उसबके जबाफदैत कहल्‍कै, “तोरासबके मोसा कथी आग्‍या देनेछेलौ।”