युहन्‍ना 5:26 - मध्‍य पुरविया थारू

²⁶ कथिलेत जहिनङे पिता आपनेमे जिबनके मुल चियै, तहिनङे उ आपन बेटोके जिबनके मुल बनाइनेछै,

युहन्‍ना 5:26 Referans Kwoze

युहन्‍ना 11:26

आ जे कोइ हमरमे जियैछै आ बिस्‍बास करैछै उ कहियो नै मरतै। कि तु यि बातमे बिस्‍बास करैचिही?”

युहन्‍ना 1:4

बचन सिरिस्‍टी भेल सब चिजके जिबन दैबला छेलै। यि जिबन दैबला लोकसबके लेल इजोत छेलै।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

परकास 22:17

पबितर आत्‍मा आ कनिया कहैछै, “आबु!” जे लोक सुनैछै, उहो लोक कहे कि, “आबु।” जे पियासल छै, उ आबे आ जकरा इक्‍छा लागैछै उ जिबनके पानी मङनिएमे पिबे!

१ तिमोथी 1:17

जुगो-जुगके रजा, अमर, देखा नै परैबला एक मातरे परमेस्‍वरके आदर-भाव आ महिमा सबदिन हैते रहे। आमेन।

१ कोरन्‍थी 15:45

तैखातिर पबितर धरमसास्‍तरमे एहेन लिखल छै, “पहिल्‍का लोक आदम जिबित परानी भेलै।” महज अन्‍तिम आदम अरथात खिरिस्‍ट जिबन दैबला आत्‍मा चियै।

परकास 22:1

तकरबाद स्‍वरगदुत हमरा इस्‍फटिक जखा चमकदार जिबनके पानीके लदी देखल्‍कै। उ लदी परमेस्‍वर आ थुमाके सिंहासनसे निकैलके,

परकास 21:6

उ हमरा कहल्‍कै, “आब सबकाम पुरा भ्‍यागेलै! अल्‍फा आ ओमेगा, सुरु आ अन्‍त हम्‍ही चियै। जकरा-जकरा पियास लागल छै, हम ओइसबके मङनिएमे जिबनके पानीके भबसे पियैले देबै।

१ तिमोथी 6:16

उ अजर-अमर रहैबला आ उ एहेन इजोतमे बास करैछै जकर लगमे कोइ नै जाइले सकैछै। ओकरा कोइयो नै देखने छै आ नै देखे सक्‍तै। सब आदर आ सब सक्‍ति, सबदिन ओकरे चियै। आमेन।

परेरित 17:25

ओकरा लोकके कोनो चरहौवा चिजके जरुरत नै परैछै, महज ओह्‍या लोकसबके जिबन, परान आ सब चिज दैछै।

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

युहन्‍ना 8:51

साँचोके हम तोरासबके कहैचियौ, यदी जे कोइ हमर कहल बचनके पालन करतै त उ कहियो नै मरतै।”

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

परकास 7:17

कथिलेत सिंहासनके बिचमे रहैबला थुमा ओकरासबके चरबाहा हेतै, ओकरासबके डोरियाइत जिबनके पानीके मुलमे लजेतै आ परमेस्‍वर ओकरासबके आँखके सब लोर पोइछदेतै।”

युहन्‍ना 6:57

जहिनङे हमर पिता हमरा पठेल्‍कै आ हम ओकर कारनसे जिबित चियै, ओहिनङे हमर देह खाइबला हमर कारनसे जिबित रहतै।

युहन्‍ना 10:18

कोइने हमर परान हमरासे लैले सक्‍तै, महज हम आपने राजिखुसीसे दैचियै। आपन परान दैके अधिकार हमरेसङे छै आ फेनो ओकरा लैयोके अधिकार छै। एह्‍या आग्‍या हम आपन पितासे पाबनेचियै।”

युहन्‍ना 11:25

तब येसु ओकरा कहल्‍कै, “पुनरुथान आ जिबन हम्‍ही चियै। जे हमरा बिस्‍बास करतै, उ मरबो करतै त जिबित हेतै।

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।