युहन्‍ना 4:41 - मध्‍य पुरविया थारू

⁴¹ ओते ओकर बात सुइनके औरो बहौत गोरा ओकर उपर बिस्‍बास करल्‍कै।

युहन्‍ना 4:41 Referans Kwoze

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

परेरित 8:12

जब उसब फिलिपके सुन्‍याल सुसमाचारसे परमेस्‍वरके राज आ येसु खिरिस्‍टके नाममे बिस्‍बास करल्‍कै, तब मरद आ जनिसब बप्‍तिस्‍मा लेबे लाग्‍लै।

परेरित 8:25

पतरुस आ युहन्‍ना दुनुगोरा परभु येसुके बारेमे जानल आ सुनल बचनसब परचार करल्‍कै। तब सामरियाके बहौत गामसबमे सुसमाचार परचार करैत यरुसलेम दिसन घुइमके गेलै।

युहन्‍ना 6:63

जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

हिबरु 4:13

परमेस्‍वरके नजरसे सिरिस्‍टीके कोनो चिज नै छुपलछै। ओकर नजरके सामने सब बात खुल्‍ला आ परस्‍टछै। ओकरे अपनासबके करल कामके लेखा दैलेपरतै।

परेरित 15:3

एन्‍टिओखिया मन्‍डलीके सब बिस्‍बासीसबके ओतेसे जाइले छुट्‍टी देल्‍कै। उसब फोनिके आ सामरिया परदेस हैतगेलै आ ओतेका बिस्‍बासीसब कनङके गैर-यहुदीसब परभुके बिस्‍बास करल्‍कै से बातसब बिस्‍तारमे सुनाइल्‍कै। यि बात सुइनके ओतेका बिस्‍बासीसब बहुते खुसी भेलै।

युहन्‍ना 7:46

पहरेदारसब जबाफ देल्‍कै, “उ लोक जखा त अखुनतक कोनो लोक नै बोल्‍नेछै!”

लुका 4:32

ओकरासब येसुके सिक्‍छा सुइनके छक्‍के परलै, कथिलेत ओकर बचन अधिकारसे भरल छेलै।

युहन्‍ना 4:40

तब उसब येसुके भेटैले एलै आ हमरासबसङे बैठु कैहके बिन्‍ती करल्‍कै, तब येसु ओइसबसङे दुइ दिन ओतै रहलै।

युहन्‍ना 4:42

उसब ओइ जनिके कहल्‍कै, “अखुन तोरे बात सुइनके मातरे नै, महज हमरासब आपने ओकर उपदेस सुइनके बिस्‍बास करैचियै। बास्‍तममे ओह्‍या सन्‍सारके मुक्‍तीदाता चियै से हमसब जानैचियै।”