युहन्‍ना 3:29 - मध्‍य पुरविया थारू

²⁹ जकरसङे कनिया छै वह्‍या बर चियै। बरसङे ठार हैबला बरेके अबाज सुइनके बहौत खुसी हैछै। अहैलेल हमर यि खुसी आब पुरा भेलछै।

युहन्‍ना 3:29 Referans Kwoze

मतीके लिखल सुसमाचार 9:15

तब येसु जबाब देल्‍कै, “जाबेतक बर, बरियातीसङे रहैछै, कि उसब सोक मनाइछै? महज उ दिन एतै जहिया बर ओइसबके बिचसे अलग हेतै तब उसब उपास बैठतै।

परकास 21:9

तब उ सात अन्‍तिम बिपतीसे भरल सातटा बाटी बोकैबला सातटा स्‍वरगदुतमेसे एक गोरे हमरा आइबके कहल्‍कै, “अते या, हम तोरा कनिया देखेबौ, जे थुमाके घरबाली चियै।”

फिलिप्‍पी 2:2

तुसब एकेमन भ्‍याके, एके परेममे रैहके आ एक चित भ्‍याके हमर आनन्‍द पुरा कर।

युहन्‍ना 16:24

अखुनोतक तुसब हमर नाममे कुछो नै माङनेचिही। माङ त तुसब पाबबिही आ तहैसे तोरासबके आनन्‍द पुरा हेतौ।

१ युहन्‍ना 1:4

अपनासबमे भरपुर आनन्‍द रहे कैहके हमसब यि बात लिखरहल चियौ।

२ कोरन्‍थी 11:2

परमेस्‍वर तोरासबके करल वास्‍ता जखा हम्‍हु तोरासबके वास्‍ता करैचियौ, कथिलेकी हम त एक मातरे बर खिरिस्‍टसङे तोरासबके बियाह कैरदैके परतिग्‍या करनेचियौ। ओहैसे तोरासबके ओकर पबितर कुमाइर कनियाके रुपमे कनियादान करैके बिचार करनेचियौ।

लुका 15:6

तब घरमे आइबके उ आपन सङिसब आ परोसियासबके बोलाइछै, तब ओइसबके कहैछै, ‘हमर हरेल्‍हा भेंरा भेटगेलै! सबकोइ आबैजो, हमरसङे खुसी मना।’

मतीके लिखल सुसमाचार 25:1

येसु कहल्‍कै, “स्‍वरगके राज एहेन चियै- दसटा कुमाइर कनिया आपन-आपन चिरखा ल्‍याके बरके भेटैले निकललै।

२ युहन्‍ना 1:12

हमरा तोरासबके लेल लिखैबला बात त बहुतो छै, महज हम कागत आ मैससे लिखैले नै चाहैचियै। बरु तोरासबलग ज्‍याके आमने-सामने भ्‍याके बतियाबैके आसा करनेचियै, ताकी अपनासबके आनन्‍द पुरा भ्‍यासके।

युहन्‍ना 17:13

“महज आब हम अहाँ लग आइबरहल चियै। हमर आनन्‍द ओइसबमे पुरा हेबे कैहके हम सन्‍सारमे रैहते यि बात कहैचियै।

मतीके लिखल सुसमाचार 22:2

“स्‍वरगके राज एकटा एहेन रजा सङे तुलना करेसकैचियै जे आपन बेटाके बियाह उत्‍सबमे भोज करल्‍कै।

युहन्‍ना 3:30

उ बढते जाइत रहे, महज हम घटते जाइत रही।”

युहन्‍ना 15:11

हमर आनन्‍द तोरासबमे रहे आ तोरासबके आनन्‍द पुरा हेबे कैहके हम यि बातसब तोरासबके कहलियौ।